„ნურავინ შეეცდება მოსახლეობის მხარდაჭერის არქონა საარჩევნო სისტემის მახასიათებლებს დააბრალოს“, - ასე გამოეხმაურა პარლამენტის თავმჯდომარე არჩილ თალაკვაძე პროპორციული არჩევნების კანონპროექტის ჩაგდების გამო ოპოზიციური პარტიების პროტესტს.

მან 2012 წლის არჩევნები გაიხსენა და აღნიშნა, რომ „ქართულმა ოცნებამ“ ხელისუფლების შეცვლა ამავე საარჩევნო სისტემით შეძლო.

„არჩევნებს ხალხის ნდობა იგებს და არა ცალკე აღებული საარჩევნო მოდელი. შეგახსენებთ „ქართულმა ოცნებამ“ ქართველ ხალხთან ერთად, არა თუ დღეს არსებულ დემოკრატიულ გარემოში, არამედ 2012 წლამდე არსებული რეპრესიული რეჟიმის პირობებშიც კი სწორედ არსებული საარჩევნო სისტემით შეძლო არჩევნებში გამარჯვება და ხელისუფლებიდან მოძალადე პოლიტიკური ძალის ჩამოშორება. ეს არ უნდა დაგვავიწყდეს როდესაც ვსმჯელობთ ამ საკითხთან დაკავშირებით. საზოგადოება და ჩვენი მოქალაქეები თავისი არჩევანის გაკეთებას აუცილებლად შეძლებენ 2020 წლის არჩევნებში“, - აღნიშნა თალაკვაძემ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს