„არასდროს მიფიქრია ჩემი ქვეყნის დატოვებაზე, მითუმეტეს, არც ახლა, იმიტომ რომ ჩემს ქვეყანაში მაქვს ჩემი სიმართლე დასამტკიცებელი და აუცილებლად ვაპირებ, ჩემ ქვეყანაში გავაგრძელო ცხოვრება“, - ასე გამოეხმაურა საკრებულოს დეპუტატი თამთა თოდაძე დეპუტატ ილია ჯიშკარიანის ადვოკატის, მარიამ კუბლაშვილის განცხადებას, რომელმაც აღნიშნა, რომ თოდაძე დედასთან ერთად საზღვარგარეთ წასვლას და პოლიტიკური თავშესაფარის მოთხოვნას აპირებს.

თოდაძე კუბლაშვილის განცხადებებს "აბსურდულს" უწოდებს და აღნიშნავს, რომ "იურისტი ფაქტების გარეშე არ უნდა საუბრობდეს", 

„რის საფუძველზე ან რა ფაქტებით საუბრობს მარიამ კუბლაშვილი? რომელი ქვეყნის საკონსულოსთან დამინახა ან რომელმა ქვეყანამ გააკეთა განცხადება, რომ თამთა თოდაძემ მიმართა თხოვნით პოლიტიკური თავშესაფარი მომეცითო? იურისტი ადამიანია და სწორედ იურისტი არ უნდა საუბრობდეს ფაქტების გარეშე. საიდან იგონებს ამ ინფორმაციას? ან რატომ აქვს ტყუილი ინფორმაცია?

ეს სრული აბსურდია, სიმართლეს არ შეესაბამება. გულწრფელად რომ გითხრათ, არასდროს მიფიქრია ჩემი ქვეყნის დატოვებაზე, მითუმეტეს, არც ახლა, იმიტომ რომ ჩემს ქვეყანაში მაქვს ჩემი სიმართლე დასამტკიცებელი და აუცილებლად ვაპირებ, ჩემ ქვეყანაში გავაგრძელო ცხოვრება.

მარიამ კუბლაშვილმა აღარ იცის, რა ბრალი წამიყენოს და რაზე ისაუბროს. შეიძლება ითქვას, რომ თავის საქმეზე მტკიცებულებები საერთოდ არ აქვს და რას გამოეკიდოს აღარ იცის. ახლა საზოგადოებაზე მუშაობს, რომ განწყობა შექმნას, თითქოს, მე მივდივარ. სად დამინახა, რომ მივდივარ? პირადად მაქვს მარიამ კუბლაშვილთან შეკითხვა, საიდან მოიტანა, რომ ქვეყნიდან მივდივარ? საიდან მოიტანა, რომ პოლიტიკური თავშესაფარი მინდა? სრული აბსურდია!“, - განაცხადა თოდაძემ.

სექსუალური ძალადობის მცდელობაში ბრალდებული დეპუტატის, ილია ჯიშკარიანის ადვოკატმა მარიამ კუბლაშვილმა განაცხადა, რომ დაზარალებული თამთა თოდაძე დედასთან ერთად საზღვარგარეთ წასვლას აპირებს, სადაც ის პოლიტიკურ თავშესაფარს მოითხოვს. 

საქართველოს გენერალურმა პროკურატურამ თბილისის საკრებულოს დეპუტატ ილია ჯიშკარიანს ბრალი 8 ოქტომბერს წარუდგინა. 

ავტორი: ექსპრესნიუსი,

სოციალური ქსელები

სააკაშვილი - თემაში ჩვენი არა კეთილისმოსურნეებიც შემოვარდნენ და დაწერეს მიშა და ბიძინა ერთია, რასაც იტყვიან პარტია ემორჩილებაო

ტრამპი ჰორმუზის სრუტეში არსებული სიტუაციით კმაყოფილია

ალბანეთში კუშნერი-ტრამპის კურორტის წინააღმდეგ საპროტესტო აქციები ანტიკორუფციულ მოძრაობაში გადაიზრდა

საქართველოში 4.4 მაგნიტუდის სიმძლავრის მიწისძვრა მოხდა