„ქართული ოცნების“ თავმჯდომარე მამუკა მდინარაძე, იუსტიციის უმაღლესი საბჭოს არამოსამართლე წევრის, ანა დოლიძის უფლებამოსილების შეწყვეტის მოთხოვნას გამოეხმაურა.

მდინარაძის თქმით, საუბარი იმაზე, რომ ანა დოლიძე სასწრაფო წესით უნდა წავიდეს იუსტიციის საბჭოდან , ზედმეტია.

„ის პრაქტიკულად პოლიტიკურ საქმიანობას ეწევა, პოლიტიკურ განცხადებებს აკეთებს. სამართლებრივი თვალსაზრისით, ეს შესაძლოა, შეუთავსებელი იყოს, მაგრამ დღესვე ამასთან დაკავშირებით საუბარი იმაზე რომ იუსტიციის საბჭოდან ანა დოლიძე სასწრაფოდ გავიდეს, შეიძლება იყოს ზედმეტი. ეს ჩემი შესაფასებელი ნამდვილად არ არის. პოლიტიკოსებმა ასეთი ხისტი შეფასებებისგან თავი უნდა შეიკავონ“, - განაცხადა მამუკა მდინარაძე

შეგახსენებთ, იუსტიციის უმაღლესი საბჭო საქართველოს პრეზიდენტ სალომე ზურაბიშვილს საბჭოს არამოსამართლე წევრ ანა დოლიძისთვის უფლებამოსილების შეწყვეტის მოთხოვნით მიმართავს. შესაბამისი მიმართვა საბჭოს წევრებს მოსამართლე დიმიტრი გვრიტიშვილმა წარუდგინა. როგორც მან აღნიშნა, ამ მოთხოვნის საფუძველი ის არის, რომ დოლიძე იუსტიციის საბჭოს წევრის სტატუსთან შეუთავსებელ პოლიტიკურ საქმიანობას ეწევა.

ავტორი: ექსპრესნიუსი,

სოციალური ქსელები

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე

სტრასბურგის სასამართლომ რუსეთს პასუხისმეგებლობა დააკისრა საქმეზე, რომელიც გიორგი ანწუხელიძესა და სხვა მეომრებს ეხება

"ქართულმა ოცნებამ" ევროსასამართლოში გამოხატვის თავისუფლების საქმეზე დავა წააგო