"ამ პროექტს არ სჭირდება კიდევ ერთი პერფორმანსი, არ სჭირდება პარლამენტში ღია განხილვა", - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა დამოუკიდებელი დეპუტატების მიერ მისი და ანაკლიის კონსორციუმის დირექტორის პარლამენტში მიწვევასთან დაკავშირებით განაცხადა. 

ამასთან, როგორც ცქიტიშვილმა აღნიშნა, მთავრობას კონსორციუმთან დიალოგის პრობლემა არასდროს ჰქონია. 

"ამ პროექტს არ სჭირდება კიდევ ერთი პერფორმანსი, არ სჭირდება პარლამენტში ღია განხილვა და ღია შეხვედრის მოწყობა ანაკლიის განვითარების კონსორციუმსა და მთავრობას შორის. ჩვენ ამ შეხვედრებს აუცილებლად გავმართავთ იმ სამუშაო ფორმატში და არა პარლამენტში, რომელიც ჩვენ საშუალებას მოგვცემს, ორივე მხარეს მოვძებნოთ ამ პროექტის წარმატებისთვის აუცილებელი გამოსავალი",- განაცხადა ცქიტიშვილმა.

ცნობისთვის, დამოუკიდებელმა დეპუტატებმა მაია ცქიტიშვილსა და „ანაკლიის კონსორციუმის“ დირექტორი პარლამენტში მიიწვიეს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება