2019-10-16 17:17:51, 1169 ნახვა
კომენტარი
ლილუაშვილი: „ოთხოზორია-ტატუნაშვილის სია“ ატარებს უფრო პოლიტიკურ ხასიათს და არა სამართლებრივს
სახელმწიფო უსაფრთხოების სამსახურის უფროსობის კანდიდატის გრიგოლ ლილუაშვილის განცხადებით, "ოთხოზორია-ტატუნაშვილის სიაში" გარდაცვლილი პირები არიან შეყვანილი, შესაბამისად მასზე მსჯელობა ჯერჯერობით ნაადრევია.
ამასთან, როგორც ლილუაშვილმა კომიტეტის სხდომაზე აღიშნა, სია ამ ეტაპზე პოლიტიკურ ხასიატს ატარებს.
"ჩვენი ინფორმაციით, ოთხოზორია-ტატუნაშვილის სიაში შეყვანილნი არიან გარდაცვლილი პირები, თუმცა სანამ არ გვექნება დადასტურებული მტკიცებულება - ლეგიტიმური ორგანოს მიერ გაცემული ოფიციალური დოკუმენტი გარდაცვალების შესახებ, ამაზე ოფიციალურად ვერ ვიმსჯელებთ. ეს სია ატარებს უფრო პოლიტიკურ ხასიათს და არა სამართლებრივს", - განაცხადა ლილუაშვილმა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
