მსოფლიო რაგბის ორგანიზაციამ საქართველოს ნაკრებსა და ქართველებს, საქართველო-ურუგვაის შეხვედრის დასრულების შემდეგ რუსული სიმღერის ჩართვის გამო ბოდიში მოუხადა, - ამის შესახებ ინფორმაციას Reuters ავრცელებს. 

მედია საშუალების ინფორმაციით, მსოფლიო რაგბის პრესპიკერმა საქართველოს ნაკრებს ბოდიში მოუხადა აღნიშნული ინციდენტისა და უხერხულობის შექმნის გამო.

„გვინდა გულწრფელი ბოდიში მოვუხადოთ ჩვენს მეგობრებს საქართველოდან შექმნილი უხერხულობისთვის. აღნიშნული შემთხვევა საორგანიზაციო კომიტეტთან ერთად განვიხილეთ და გვინდა დაგარწმუნოთ, რომ მსგავსი რამ მომავალში აღარ მოხდება“, - ნათქვამია ოფიციალურ განცხადებაში.

ცნობისთვის, საქართველო-ურუგვაის მატცის დასრულების შემდეგ ორგანიზატორებმა რუსული სიმღერა ჩართეს. კერძოდ, სტადიონზე ვალერი მელაძის სიმღერა გაჟღერდა, რაც რაგბის ნაკრების კაპიტანმა ჯაბა ბრეგვაძემ და მწვრთნელმა მილტონ ჰეიგმა პრესკონფერენციაზე გააპროტესტეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საკრებულოების შუალედურ არჩევნებში მონაწილეობას მხოლოდ ოცნება და ლელო მიიღებს

ეკა კუპატაძე თამარ ბაჩალიაშვილის მშობლებს მხარდაჭერას უცხადებს

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე