ხიდაშელი: ჩვენი სახელმწიფოებრიობის გასამყარებლად ნებისმიერ ქმედებას, რუსეთის მხრიდან უარყოფითი ნაბიჯი მოჰყვება

2015-07-14 10:54:54, 400 ნახვა

პოლიტიკა

თავდაცვის მინისტრის თინა ხიდაშელის განცხადებით, ნებისმიერ ქმედებას, რომელსაც საქართველო სახელმწიფოებრიობის გასამყარებლად განახორციელებს, რუსეთის მხრიდან უარყოფითი ნაბიჯი მოჰყვება.

ამის შესახებ ხიდაშელმა „იმედის“ ეთერში განაცხადა.

როგორც ხიდაშელმა აღნიშნა, საფრანგეთთან გაფორემბულ ხელშეკრულებასა და ე.წ. ადმინისტრაციული საზღვრის გადმოწევის ფაქტს შორის კავშირს ვერ ხედავს.

„ამ მოვლენებს შორის პირდაპირ კავშირს ვერ ვხედავ, თუმცა ბევრჯერ მითქვამს, რომ რუსული სახელმწიფოს ამოცანები და ხედვები ნათელია, ზედაპირზე დევს. ნებიემისმიერ ქმედებას, რომელსაც ქართული სახელმწიფო განახორციელებს, ჩვენი სახელმწიფოებრიობის დაცვისა და გამყარებისთვის, მათი მხრიდან აუცილებლად ექნება უარყოფითი ნაბიჯები. ეს ბევრს სხვა ქმედებაში შეიძლება გამოიხატოს. გამომდინარე იქიდან, რომ რუსეთს ბევრი რამ არ მოსწონს, ჩვენ გულხელდაკრეფილები ვერ ვიჯდებით“,-განაცხადა თინა ხიდაშელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან