2019-08-30 13:52:36, 702 ნახვა
რეგიონი
ოქროპილაურის დროს უბნის მოსახლეობას სასმელი წყლის პრობლემა მოუგვარდება
მალე სოფელ ოქროპილაურის დროს უბანი წყლის ახალი სისტემით ისარგებლებს. შუახევის მუნიციპალიტეტის მერიამ 2500 მ. სიგრძის და 40 სმ. დიამეტრის წყლის მილი უკვე შეიძინა. ამისთვის ბიუჯეტიდან 3200 ლარამდე გამოიყო.
სოფელში მილის მოსაწყობად, შიდა ქსელური სამუშაოები ადგილობრივი მოსახლეობის ჩართულობით განხორციელდება.
ამ დრომდე, სოფელ ოქროპილაურის დროს უბანში წყლის მიწოდების სისტემა მოძველებული იყო. არსებული ინფრასტრუქტურა წლების მანძილზე არ განახლებულა და მუდმივ შეკეთებას საჭიროებდა.
სასმელი წყლის პოლიეთილენის მილისა და გადასაბმელი სამაგრების შეძენა ადგილობრივებმა „სოფლის მხარადაჭერის პროგრამის“ ფარგლებში გადაწყვიტეს.
(NS)
ავტორი: ექსპრესნიუსი,
epn.ge (@expressnews.ge)
