აჭარის მთავრობის თავმჯდომარემ თორნიკე რიჟვაძემ მთავრობის ახალი რეგულაციის შედეგად განახლებული საინვესტიციო პროექტები დაათვალიერა.

თორნიკე რიჟვაძე  სამ   საინვესტიციო ობიექტზე იმყოფებოდა:  შპს "კროსვეისი" - რუმსი, შპს "GIMG" -  ე.წ „კემპინსკი" და შპს „ტამ ჯეო" -  ბაბილონ თაუერი.

როგორც ინვესტორები ამბობენ, ახალმა რეგულაციამ აჭარაში ბიზნეს საქმიანობა კიდევ უფრო ეფექტური და ჯანსაღი გახადა.

აჭარის მთავრობის მიერ 1 წლის წინ ამოქმედებული რეგულაციის მთავარი პრინციპია - ბიზნესს მიეცეს  განვითარების ახალი შესაძლებლობა  და  შეფერხებული პროექტები საბანკო გარანტიის წარდგენის შემთხვევაში განაახლოს. ამავდროულად, განკარგულების თანახმად,  სახელმწიფო აზღვევს  თავის  საჯარო ინტერესს.

აღნიშნული რეგულაციის შედეგად, აჭარაში ბოლო 1 წლის განმავლობაში 30-ზე მეტი  საინვესტიციო პროექტი განახლდა, რომელთა   ჯამური ღირებულება  დაახლოებით 1 მილიარდ ლარზე მეტს შეადგენს. 

აჭარის მთავრობის საინვესტიციო გეგმის თანახმად, წლის ბოლომდე,  განახლებული პროექტების გარდა, არანაკლებ 3 მილიარდი ლარის ღირებულების ახალი საინვესტიციო პროექტების პორტფელი შეიქმნება.

ავტორი: ექსპრესნიუსი,

სოციალური ქსელები

მთავრობამ თელავის მუნიციპალიტეტს სტიქიის სალიკვიდაციოდ ნახევარი მილიონი ლარი გამოუყო

ძალადობით ჩადენილი ძარცვის ბრალდებით ორი პირია დაკავებული, მათ შორის ერთი არასრულწლოვანი

კორუფციის ბრალდებით ჩინოვნიკები დააკავეს, მათ ქრთამი აიღეს

ევროკავშირის უმაღლესმა დიპლომატმა ომის დაწყების შემდეგ რუსეთის წინააღმდეგ „ყველაზე მასშტაბური“ სანქციების პაკეტი გამოაცხადა