კომპანიაში ყველა ფაქტობრივი და სამართლებრივი ვითარებაა შექმნილი, რომ გაკოტრების რეჟიმში იყოს, მაგრამ ჩვენ ამ ნაბიჯს შეგნებულად არ ვდგამთ, - ამის შესახებ „რუსთავი 2“-ის გენერალურმა დირექტორმა პაატა სალიამ სპეციალურ ბრიფინგზე განაცხადა.

მისი თქმით, ტელეკომპანიის მფლობელმა ქიბარ ხალვაშმა გასხვისების გადაწყვეტილება „რუსთავი 2“-ის გაკოტრების თავიდან ასაცილებლად მიიღო.

„კომპანიაში უმძიმესი მდგომარეობაა.  არის ძალიან დიდი ოდენობის ვალები,  რომელთა გადახდის ვადა მოსულია. პირველივე დღიდან, ჩემთან არ წყდება სატელეფონო ზარები, ელექტრონული წერილები, კანცელარიაში შემოსული წერილები,  რომლებიც გვამცნობენ, რომ კრედიტორები კუთვნილ დავალიანებას ითხოვენ  და თუ უმოკლეს ვადაში - ერთ კვირაში, ათ დღეში, არ იქნება გადახდილი, მიმართავენ სასამართლოს.  მოგეხსენებათ, ეს არის ძალიან რთული ახალი მენეჯმენტისთვის და ჩვენ ყველანაირად ვცდილობთ, რომ ყველასთან დავარეგულიროთ ეს ურთიერთობები. მიუხედავად იმისა, რომ დღეის მდგომარეობით, კომპანიაში ყველა ფაქტობრივი და სამართლებრივი ვითარებაა შექმნილი,  რომ კომპანია გაკოტრების რეჟიმში იყოს, ჩვენ ამ ნაბიჯს შეგნებულად არ ვდგამთ.  ეს ჩვენ არასდროს არ გვიფიქრია, რომ რუსთავი 2 გაკოტრდება. სწორედ ამისთვის, ეს რომ არ მოხდეს, ქიბარ ხალვაშმა მიიღო ეს გადაწყვეტილება“, - განაცხადა პაატა სალიამ.

ცნობისთვის, დღეს „რუსთავი 2“-ის 100%-იანი წილის მფლობელმა ქიბარ ხალვაშმა განაცხადა, რომ ტელეკომპანიას ყიდის.

ავტორი: ექსპრესნიუსი,

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა