„რუსთავი 2“-ის ერთ-ერთი დამფუძნებელი დავით დვალი მიიჩნევს, რომ ტელეკომპანიის სარედაქციო პოლიტიკა შესაცვლელია.

ამის შესახებ მან პარლამენტში დამოუკიდებელ დეპუტატებთან შეხვედრისას განაცხადა.

როგორც დვალმა განმარტა, „რუსთავი 2“-ის სარედაქციო პოლიტიკას პარტიული ფონი უნდა მოსცილდეს და ტელევიზია ნამდვილად თავისუფალი გახდეს.

„შეიძლება ვიღაცას ყური მოჭრას, მაგრამ მე მაინც ვიტყვი, არ მეშინია - რაღაც შელოცვას ჰგავს ის ფრაზა, რომ „სარედაქციო პოლიტიკა არ შეიცვლება“, იმიტომ რომ არ მჯერა ერთი წამითაც რომ არ შეიცვლება.  სარედაქციო პოლიტიკა შესაცვლელია, რა თქმა უნდა. შესაცვლელია იმ მხრივ, რომ ტაბუები უნდა აეხსნას რაღაცა თემებს, რომელიც, სამწუხაროდ, იმის გამო, რომ გარკვეულ პოლიტიკური ჯგუფის ზეგავლენის ქვეშაა და ის მფლობელი სადღაც გარკვეული პოლიტიკური ჯგუფის უკან იკარგება, არსებობს. აი ეს  თემები და მათგან წამოსული დღის განრიგიც უნდა მოიხსნას და ტელევიზია უნდა იყოს მართლა თავისუფალი“, - განაცხადა დავით დვალმა.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა