უკრაინის ვადამდელ საპარლამენტო არჩევნებში ახალი პრეზიდენტის ვლადიმერ ზელენსკის პარტია "ხალხის მსახური" ლიდერობს, - ამის შესახებ Interfax იუწყება.

მედია საშუალების ინფორმაციით, ამ დროისთვის ბიულეტენების თითქმის 44%-ია დათვლილი. ხმების 42,31% ზელენსკის პარტიას აქვს მოპოვებული. 

მეორე ადგილზე გავიდა პრო რუსული პარტია "ზა ჟიტია" რომელსაც პუტინის ნათესავი ხელმძღვანელობს. მან ხმათა 12,79 % მიიღო. მესამე ადგილზეა 8,7 % ყოფილი პრეზიდენტის პოროშენკოს პარტია "ევროპული არჩევანი". ასევე პარლამეტში გავიდა იულია ტიმოშენკოს "ბატკივშინა" 8,08% და მომღერალის სტანისლავ ვაკარჩუკის პარტია "გოლოსი" 6,39 %.

ბოლო მონაცემებით, „ხალხის მსახური“ 115-120 მაჟორიტარულ ოლქში იმარჯვებს, პარტიული სიით კი რადაში 121 მანდატს მოიპოვებს.

მედიის ცნობით, ზელენსკის პარტია, სავარაუდოდ, უკრაინის პარლამენტის ისტორიაში პირველად დამოუკიდებელი დეპუტატების დახმარების გარეშე ერთპარტიულ უმრავლესობას ჩამოაყალიბებს.

არჩევნებში 22 პარტია მონაწილეობს, რომელთა პარტიულ სიებში 2 747 კანდიდატია. ერთმანდატიან მაჟორიტარულ ოლქებში სულ 3 083 კანდიდატი იყრის კენჭს. მათგან ნახევარი დამოუკიდებლად მონაწილეობს არჩევნებში.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს