საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე საერთაშორისო ორგანიზაციებს და მეზობელ ქვეყნებს, სტიქიის დროს გაწეული და შემოთავაზებული დახმარებისთვის მადლობა გადაუხადა.

„ჩვენი მეზობელი სახელმწიფოები სტიქიის შემდეგ  დაგვიკავშირდნენ ძირითადად საუბარი მქონდა თურქეთთან, აზერბაიჯანთან, სომხეთთან, ევროკავშირის ქვეყნებთან, რუსეთიდან იყო ასევე შემოთავაზება, 100 მაშველის და ტექნიკის, უკრანიდანაც დამირეკეს. მათ მინდა მადლობა ვუთხრა დახმარებისთვის, დახმარების შემოთავაზებისთვის. განსაკუთრებული მადლობა მინდა გადავუხადო საუდის არაბეთის პრინცს, რომელიც სტიქიის დაზარალებულებისთვის 300 ათასი დოლარი გამოყო, მძიმე მომენტში როცა ჩვენ გვიჭირდა ჩვენი მეზობელი სახელმწიფოების დახმარება ძალიან ბევრს ნიშნავს“,-აღნიშნა ღარიბაშვილმა.

ამასთან, პრემიერის თქმით, მთავრობა სტიქიით დაზარალებული მოსახლეობის განსახლების პროცესს თვალს აქტიურად ადევნებს.

„მინდა, რომ ეს პროცესი მაქსიმალურად მოკლე ვადებში დასრულდეს, მათ ვისაც სტიქიის დროს სახლები დაუზიანდა, ახალს შევუძენთ და გავურემონტებთ“,-განაცხადა ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს

მდინარაძე - ბიძინა ივანიშვილი შეიძლება იყოს მოწყვლადი და ვიღაცამ გააგოროს

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს