5 ივნისს, გამთენიისას, ძლიერი ნალექის შედეგად, შატილის თემთან დამაკავშირებელი სამანქანო გზა ჩაიკეტა.

ამის შესახებ „ექსპრესნიუსს“ მცხეთა-მთიანეთის სახელმწიფო რწმუნებულის ადმინისტრაციიდან აცნობეს.

მათი ინფორმაციით, ადიდებული მდინარე გუროსხევიდან ჩამოტანილმა მყარმა მასალამ გზა 80 მეტრზე დააზიანა.

„ტექნიკამ გაწმენდითი სამუშაოები სტიქიიდან რამდენიმე საათში დაიწყო. ვითარების რეგულირების პროცესში ჩართულია მცხეთა-მთიანეთის სახელმწიფო რწმუნებულის ადმინისტრაცია, ადგილობრივ ხელისუფლებასთან ერთად და ფშავ-ხევსურეთის ეროვნული პარკის რეინჯერები. 

ამ მომენტისთვის გარესამყაროს შატილის თემის 8 სოფელია მოწყვეტილი. შატილში იმყოფებიან ტურისტები, რომლებმაც სტიქიის გამო გზის გაგრძელება ვეღარ მოახერხეს. მათ სიცოცხლეს და ჯანმრთელობას საფრთხე არ ემუქრება“, - აცხადებენ სახელმწიფო რწმუნებულის ადმინისტრაციაში.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის