ვიტალი კლიჩკომ მიხეილ სააკაშვილს თავისი პარტიის თავმჯდომარეობა შესთავაზა

2019-06-05 11:44:42, 3803 ნახვა

მსოფლიო

კიევის მერმა ვიტალი კლიჩკომ საქართველოს ყოფილ პრეზიდენტს მიხეილ სააკაშვილს საკუთარი პარტიის თავმჯდომარეობა შესთავაზა, - ამის შესახებ კლიჩკომ Facebook-ის საკუთარ გვერდზე გამოქვეყნებულ ვიდეომიმართვაში განაცხადა.

კლიჩკოს თქმით, მისი პარტია ვადამდელ საპარლამენტო არჩვნებში აპირებს მონაწილეობას.

„დღეს მოვისმინე მიხეილ სააკაშვილის მიმართვა, რომლის პოლიტიკურ ძალასაც არჩევნებში მონაწილეობის მიღებაში პრობლემებს უქმნიან. ამიტომ მზად ვარ მას პოლიტიკურად გვერდში დავუდგე. ასეთ კავშირს ქვეყანაში ცვლილებების გასატარებლად საჭირო ძალისხმევის გაორმაგება შეუძლია. ჩემი პარტია ვადამდელ საპარლამენტო არჩევნებში მიიღებს მონაწილეობას და მე პარტნიორებს არჩევნებში ერთად მონაწილეობას ვთავაზობ. ვრჩები პარტიის ლიდერად, მიხეილ სააკაშვილს კი პარტიის თავმჯდომარეობას ვთავაზობ“, - განაცხადა კიევის მერმა.