2015-06-30 13:30:32, 563 ნახვა
საზოგადოება
Biletebi.ge - ამ დროისთვის, სუპერთასის 1 200 ბილეთია გაყიდული
ამ დროისთვის უეფას სუპერთასის 1 200 ბილეთია გაყიდული.
ამის შესახებ ინფორამცია biletebi.ge-ს facebook-ის ოფიციალურ გვერდზე გამოქვეყნდა.
კომანიის ინფორმაციით, ბილეთების შესაძენად რიგში 104 562 მომხმარებელია.
სუპერთასის ბილეთების გაყიდვა დღეს, დილის 9 საათიდან დაიწყო. ბილეთები რიგითობით იყიდება.
„საიტზე ერთი წუთის განმავლობაში 50 ადამიანი შევა. ბილეთები გაიყიდება რიგითობით. საიტზე შემოსულ ადამიანს ავტომატურად მიენიჭება რიგის ნომერი და ეცნობება სავარაუდო დრო, თუ როდის შეძლებს ბილეთის ყიდვას. ერთ ადამიანს მაქსიმუმ 4 ბილეთის ყიდვა შეეძლება", - განაცხადა Biletebi.ge-ს ტექნიკურმა დირექტორმა გიორგი ჩხიკვიშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
