იტალიაში ავტობუსი გადაბრუნდა, რომელშიც საქართველოს, სომხეთის, ყაზახეთის და რუსეთის მოქალაქეები იყვნენ

2019-05-22 17:25:30, 1990 ნახვა

მსოფლიო

იტალიის პროვინცია სიენაში ტურისტული ავტობუსი გადაბრუნდა, რის შედეგადაც ერთი ადამიანი დაიღუპა, - ამის შესახებ lanazione იუწყება.

მედია საშუალების ინფორმაციით, ავტოსაგზაო შემთხვევის შედეგად 31 ადამიანი დაშავდა, 4 მათგანის მდგომარეობა მძიმეა. დაშავებულები საავადმყოფოში გადაიყვანეს. გარდაცვლილი ქალბატონი რუსეთის მოქალაქეა, რომელიც გიდად მუშაობდა.

მედიის ცნობით, ავტობუსში სულ 60 ტურისტი იმყოფებოდა, მათ შორის იყვნენ საქართველოს, ყაზახეთის, სომხეთის და რუსეთის მოქალაქეები. უბედური შემთხვევის გამო სიენასა და ფლორენციის დამაკავშირებელი გზა რამდენიმე საათის განმავლობაში გადაკეტილი იყო.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან