"ევროპული საქართველოს" ლიდერის დავით ბაქრაძის თქმით, "თიბისი ბანკის" საქმეში ხელისუფლების ინტერესი დიდია, რაც დღეს საკომიტეტო სხდომის ჩაშლაშიც აისახა.

როგორც ბაქრაძეს ჟურნალისტებს განუცხადა, აღნიშნულ პროცესში საპარლამენტო უმრავლესობა მხარეა.

"დღევანდელ სხდომაზე ძალიან მკაფიოდ გამოჩნდა ორი რამ: პირველი რომ ეროვნული ბანკის პრეზიდენტი არ აღმოჩნდა მზად პასუხი გაეცა დეპუტატების და საზოგადოების კითხვებისთვის და მეორე და მთავარი, ამ სხდომის ჩაშლით უმრავლესობა დაფიქსირდა როგორც პოლიტიკური მხარე. უმრავლესობამ ნებით თუ უნებლიეთ ან აშკარად განზრახვით აიღო პასუხისმგებლობა "თიბისი ბანკის" საქმეზე და ნათლად გამოაჩინა, რომ "თიბისის" საქმე, ეს არ არის დავა მარეგულირებელსა და ბანკს შორის. "თიბისის" საქმე, ეს არის პოლიტიკური საქმე, რომელსაც გააჩნია მკაფიო პოლიტიკური განზომილება და უმრავლესობის მთელი ქცევა, მათ შორის, კომიტეტის ჩაშლა,  ის ინიციატივები და იდეები, რომლითაც ისინი გამოდიოდნენ ცალსახად მიანიშნებს იმაზე რომ დღეს უმრავლესობის ამოცანა იყო სხდომა ჩაშლილიყო, საზოგადოებას არ მიეღო პასუხები. როდესაც საქმეში დაინტერესებულ მხარედ ჩართულია პოლიტიკური მხარე და საპარლამენტო უმრავლესობა, ეს აღარ ტოვებს აღარანაირ კითხვის ნიშანს, რომ ეს არის პოლიტიკური ინტერესის მატარებელი საქმე.
ამ ქვეყანაში არსებობს მხოლოდ ერთი ადამიანი, რომელსაც შეუძლია ორკესტრირება ეროვნული ბანკის, საპარლამენტო უმრავლესობის, პროკურატურის, ფინანსური მონიტორინგის სამსახურის, მთავრობის, ანუ ყველა იმ სახელმწიფო უწყების, რომელიც ჩართულია "თიბისი ბანკის" საქმეზე, ამიტომაც ასეთი ადამიანი ამ ქვეყანაში მხოლოდ ერთია. ბანკის დამფუძნებლებმა ეს არ განაცხადეს, მაგრამ მე ვერ ვხედავ სხვა ვარაუდის საფუძველს, გარდა იმისა, რომ ეს გახლავთ პირადად ბატონი ივანიშვილის ინტერესი ეს შეტევა. საზოგადოება ხედავს მართლაც ორკესტრირება შეტევას და  ამ ქვეყანაში ამდენი ინსტიტუტის ასე კოორდინირებულად შეტევა შესაძლებელია მხოლოდ ერთი კაცის პოლიტიკური ნების შემთხვევაში", - აღნიშნა დავით ბაქრაძემ.

ავტორი: ,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს