ვენესუელას ე.წ. პრეზიდენტის ნიკოლას მადუროს მტკიცები, თეთრი სახლის ლიდერმა დონალდ ტრამპმა კოლუმბიის მთავრობასა და მაფიას მისი ლიკვიდირების შესახებ განკარგულება მისცა, - ამის შესახებ CBS იუწყება. 

მადუროს თქმით, თუ მას რამე დაემართება ამის პასუხისმგებლობა ამერიკის პრეზიდენტსა და კოლუმბიას დაეკისრება. ამასთან მაბვე დასძინა, რომ ვენესუელის დაზვერვის კარგი მუშაობის შედეგად, მისი უსაფრთხოება დაცულია.

"ეჭვგარეშეა, რომ დონალდ ტრამპმა ჩემი მოკვლის ბრძანება გასცა. თუ რამე მომივა, დონალდ ტრამპი და კოლუმბიის პრეზიდენტი ივან დუკე იქნებიან პასუხისმგებელნი", - განაცხადა ნიკოლას მადურომ.

შეგახსენებთ, 23 იანვარს ოპოზიციის ლიდერმა, ხუან გუაიდომ საკუთარი თავი ვენესუელის პრეზიდენტად გამოაცხადა. ხუან გუაიდო ვენესუელის დროებით პრეზიდენტად უკვე აღიარეს: არგენტინამ, ბრაზილიამ,  გვატემალამ, ჰონდურასმა, საქართველომ, კანადამ, კოლუმბიამ, კოსტა-რიკამ, პანამამ, პარაგვაიმ,  პერუმ, აშშ-მ, ჩილემ, ეკვადორმა, ისრაელმა. ნიკოლას მადუროს მხარდაჭერა გამოუცხადა რუსეთმა, თურქეთმა, ბოლივიამ, კუბამ, მექსიკამ და ურუგვაიმ.

ამასთან, 29 იანვარს ამერიკის შეერთებული შტატების ფინანსთა სამინისტრომ  ვენესუელის სახელმწიფო ნავთობკომპანიას ეკონომიკური სანქციები დაუწესა. 

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა