აშშ-ს  41-ე პრეზიდენტის ჯორჯ ბუში უფროსის გარდაცვალებას 44-ე პრეზიდენტი ბარაკ ობამა გამოეხმაურა.
წერილში ნათქვამია, რომ ამერიკა მადლიერია პრეზიდენტის რომელიც ერთგულად ემსახურებოდა ქვეყანას.

„ამერიკამ დაკარგა პატრიოტი და თავმდაბალი მსახური, ჯორჯ ჰერბერტ უოკერ ბუში. ჩვენი გულები დამძიმებულია, თუმცა ასევე მადლიერებით არის სავსე. არა მხოლოდ იმ პერიოდისთვის, როდესაც ის პრეზიდენტის რანგში ქვეყანას მართავდა, არამედ მთელი მისი ცხოვრებისთვის, რომლის ფარგლებშიც ის ქვეყანას ემსახურებოდა. ყველანი ბუშების ოჯახის გვერდით ვდგავართ, რადგან ჯორჯისა და მისი მეუღლის, ბარბარას მაგალითით ვართ შთაგნებულნი“, – აღნიშნავს ბარაკ ობამა.
ცნობილი გახდა, რომ 94 წლის ასაკში, ამერიკის შეერთებული შტატების რიგით 41-ე პრეზიდენტი, ჯორჯ ბუში უფროსი გარდაიცვალა.

ჯორჯ ჰერბერტ უოკერ ბუში აშშ-ის პრეზიდენტის პოსტს 1989-1993 წლებში იკავებდა. იგი რესპუბლიკური პარტიის წევრი იყო. მანამდე, 1971-1973 წლებში, იგი გაერო-ში აშშ-ის ელჩი იყო. უფრო ადრე, 1976-1977 წლებში ჯორჯ ბუში ცენტრალურ სადაზვერვო სამმართველოს ხელმძღვანელობდა, რონალდ რეიგანის ადმინისტრაციაში კი აშშ-ის ვიცე-პრეზიდენტის პოსტს იკავებდა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია