ამერიკის შეერთებული შტატების სახელმწიფო დეპარტამენტი ქერჩის სრუტეში განვიტარებულ მოვლენებს ეხმაურება.

როგორც დეპარტამენტის განცხადებაშია აღნიშნული, ოფიციალური ვაშინგტონი უკრაინის წინააღმდეგ რუსეთის ქმედებებს გმობს და ორივე მხარეს პირდაპირი დიალოგისკენ მოუწოდებს.

„ამერიკის შეერთებული შტატები ღრმა შეშფოთებას გამოხატავს შავ ზღვაში მომხდარ ინციდენტთან დაკავშირებით. მომხდარი ინციდენტი საერთაშორისო სამართლის დარღვევასა და სახიფათო ესკალაციას წარმოადგენს. აშშ-ი გმობს რუსეთის აგრესიულ ქმედებას. მოვუწოდებთ მოსკოვს დაუბრუნოს უკრაინას ხომალდები, დაკავებული ეკიპაჟის წევრები და პატივი სცეს უკრაინის სუვერენიტეტსა და ტერიტორიულ მთლიანობას. როგორც ჩვენს ყირიმის დეკლარაციაშია აღნიშნული, აშშ-ი არ ცნობს რუსეთის მიერ ყირიმის ანექსირების მცდელობას“,- ნათქვამია სახელმწიფო მდივნის განცხადებაში.

შეგახსენებთ, რომ ქერჩის სრუტეში რუსმა სამხედროებმა უკრაინის სამ სამხედრო კატერს ცეცხლი გაუხსნეს და ხომალდები დაატყვევეს. კიევის ცნობით დაჭრილია ექვსი უკრაინელი სამხედრო. კიევი აცხადებს, რომ ორი ბრონირებული კატერი და ბუქსირი ოდესიდან მარიუპოლში მიცურავდნენ, რის შესახებაც რუსები ინფორმირებული იყვნენ. მოსკოვის მტკიცებით კი, უკრაინელებმა საზღვარი დაარღვიეს. მოგვიანებით, უკრაინის ფლოტის პრეს-ცენტრმა განცხადება გაავრცელა, სადაც ნათქვამია, რომ ბრონირებული საარტილერიო კატერებს - „ბერდიანსკსა" და „ნიკოპოლს", ასევე სარეიდო ბუქსირ "იანი-კაპუს" რუსეთმა ცეცხლი გაუხსნა და დაატყვევა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია