უკრაინის დედაქალაქ კიევში ასობით მოქალაქე აქციას მართავს და რუსეთთან დიპლომატიური ურთიერთობის გაწყვეტას ითხოვს, - ამის შესახებ "რია ნოვოსტი" იუწყება.

მედია საშუალების ინფორმაციით, უკრაინის პრეზიდენტის პეტრო პოროშენკოს ადმინისტრაციასთან პარტია "ნაციონალური კორპუსის" და სხვა ნაციონალისტური ორგანიზაციების წევრები არიან შეკრებილები. ისინი ითხოვენ, ქვეყნის პრეზიდენტმა სამხედო მდგომარეობა გამოაცხადოს.

"ვითხოვთ, რომ 30 დღის განმავლობაში სამხედრო  მდგომაროება გამოცხადდეს. თუმცა პარალელურად უკრაინამ რუსეთთან დიპლომატიური ურთიერთობები უნდა გაწყვიტოს, წინააღმდეგ შემთხვევაში ბრძოლას აზრი არ ექნება", - აცხადებენ აქციის მონაწილეები.

გარდა ამისა, აქციის ორგანიზატორების თქმით, მათ სურთ უმაღლესმა რადამ მიიღოს ისეთი გადაწყვეტილება, რომ უკრაინას საპასუხო ცეცხლის გახნის უფლება ჰქონდეს. მომიტინგეები აქციის გამართვას პარლამენტთანაც აპირებენ.

შეგახსენებთ, რომ ქერჩის სრუტეში რუსმა სამხედროებმა უკრაინის სამ სამხედრო კატერს ცეცხლი გაუხსნეს და ხომალდები დაატყვევეს. კიევის ცნობით დაჭრილია ექვსი უკრაინელი სამხედრო. კიევი აცხადებს, რომ ორი ბრონირებული კატერი და ბუქსირი ოდესიდან მარიუპოლში მიცურავდნენ, რის შესახებაც რუსები ინფორმირებული იყვნენ. მოსკოვის მტკიცებით კი, უკრაინელებმა საზღვარი დაარღვიეს. მოგვიანებით, უკრაინის ფლოტის პრეს-ცენტრმა განცხადება გაავრცელა, სადაც ნათქვამია, რომ ბრონირებული საარტილერიო კატერებს - „ბერდიანსკსა" და „ნიკოპოლს", ასევე სარეიდო ბუქსირ "იანი-კაპუს" რუსეთმა ცეცხლი გაუხსნა და დაატყვევა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია