უკრაინა ევროკავშირის წევრ ქვეყნებს მოუწოდებს რუსეთის წინააღმდეგ ახალი სანქციები დააწესონ, - ამის შესახებ უკრაინის პრეზიდენტის წარმომადგენელმა უმაღლეს რადაში ირინა ლუცენკომ განაცხადა.

როგორც ლუცენკომ აღნიშნა, რუსეთის ფედერაციის მიერ განხორციელებულმა აგრესიულმა ქმედებამ აზოვის ზღვაში სიტუაციის სერიოზული დეესკალაცია გამოიწვია.

მისივე შეფასებით, კრემლმა კიდევ ერთხელ აჩვენა, რომ საერთაშორისო სამართალს უგულებელყოფს.

"მოვუწოდებთ ევროკავშირის წევრ ქვეყნებს რუსეთის წინააღმდეგ ახალი სანქციები დააწესონ, იქიდან გამომდინარე, რომ მათ ყველა საერთაშორისო ნორმა დაარღვიეს, დაესხნენ თავს ჩვენს გემებს, რის შედეგადაც ჩვენი სამხედროები დაშავდნენ. ახლა გვჭირდება სრული კონსოლიდაცია საერთაშორისო ტანამეგობრობის. ჩვენ პოზიცია არის მკაფიო - ვიცავთ ჩვენ სუვერენიტეტს", - განაცხადა პრეზიდენტის წარმომადგენელმა.

შეგახსენებთ, რომ ქერჩის სრუტეში რუსმა სამხედროებმა უკრაინის სამ სამხედრო კატერს ცეცხლი გაუხსნეს და ხომალდები დაატყვევეს. კიევის ცნობით დაჭრილია ექვსი უკრაინელი სამხედრო. კიევი აცხადებს, რომ ორი ბრონირებული კატერი და ბუქსირი ოდესიდან მარიუპოლში მიცურავდნენ, რის შესახებაც რუსები ინფორმირებული იყვნენ. მოსკოვის მტკიცებით კი, უკრაინელებმა საზღვარი დაარღვიეს. მოგვიანებით, უკრაინის ფლოტის პრეს-ცენტრმა განცხადება გაავრცელა, სადაც ნათქვამია, რომ ბრონირებული საარტილერიო კატერებს - „ბერდიანსკსა" და „ნიკოპოლს", ასევე სარეიდო ბუქსირ "იანი-კაპუს" რუსეთმა ცეცხლი გაუხსნა და დაატყვევა.

თავის მხრივ, ევროკავშირმა და ნატო-მ რუსეთსა და უკრაინას სიტუაციის დეესკალაციისკენ მოუწოდეს. გაერო-მ საგანგებო სხდომა ჩანიშნა, სადაც ქერჩის სრუტეში მომხდარი ფაქტის და სამომავლო გეგმების განხილვა მოხდება.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია