საბავშვო იუმორისტული ტელჟურნალ „ერალაშის“ სამხატვრო ხელმძღვანელის ბორის გრაჩევსკის განცხადებით, ის საქართველოში იმის გამო არ შემოუშვეს, რომ ოკუპირებულ აფხაზეთში იყო ნამყოფი.

როგორც გრაჩევსკიმ "რია ნოვოსტისთან" საუბრის დროს აღნიშნა, მასთან ერთად რეჟისორი ალექსანდრ შეინი და პროდიუსერი ვლადიმერ პიროჟკო იყვნენ.

"დღეს თბილისში უნდა გახსნილიყო ფესტივალი "პაემანი რუსეთთან". ჩვენ ქვეყანაში არ შეგვიშვეს, იმის გამო, რომ აფხაზეთში ვიყავით ნამყოფი. ზრდილობიანად გამოგვაცილეს, ჩაგვსვეს თვითმფრინავში და მე უკვე მოსკოვში ვარ. რა თქმა უნდა საწყენია, რადგან არასდროს ვყოფილვარ საქართველოში და ძალიან ვემზადებოდით ამისთვის. ბევრი საინტერესო რამ გვქონდა მომზადებული", - განაცხადა გრაჩევსკიმ და დასძინა, რომ ვინაიდან საქართველოში რუსეთის საელჩო არ არსებობს, ფესტივალის წარმომადგენლები შვეიცარიის საელჩოს ეკონტაქტებოდნენ, თუმცა საქართველოს შინაგან საქმეთა მინისტრი ურყევი იყო. 

ცნობისთვის, რუსეთის 3 მოქალაქე, რომლებიც თბილისში „სპუტნიკის“ მიერ მხარდაჭერილ კინოფესტივალზე დასასწრებად ჩამოვიდნენ, ქვეყანაში არ შემოუშვეს. შს მინისტრის გიორგი გახარიას განცხადებით, მათ მიერ ოკუპაციის შესახებ კანონი იყო დარღვეული.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია