ავსტრიის საგარეო საქმეთა მინისტრმა კარინ კნაისელმა რუსეთში ოფიციალური ვიზიტი გადადო, - ამის შესახებ DW იუწყება.

მედია საშუალების ინფორმაციით, აღნიშნული მიზეზი ის ფაქტი გახდა, რომ ყოფილი ავსტრიელი ოფიცერი რუსეთის სასარგებლოდ ჯაშუშობაში დაადანაშაულეს.

ავსტრიის კანცლერის სებასტიან კურცის განცხადებით, ხსენებული ფაქტის გამო ქვეყნის საგარეო უწყებაში რუსეთის ელჩი დაიბარეს. "ჯაშუშობა მიუღებელია, მათ შორის რუსული ჯაშუშობა ევროპაში", - განაცხადა კურმა.

მისივე თქმით, 70 წლის ყოფილი ავსტრიელი ოფიცრის ჯაშუშობის ფაქტი, მათ "მეგობარმა ქვეყანამ" შეატყობინა.

გამოცემა Die Presse იტყობინება, რომ ეჭვმიტანილმა აღნიშნული ბრალდება აღიარა. როგორც ყოფილმა ოფიცერმა განაცხადა, რუსული მხარე მას ტექნიკურ მოწყობილობებს აწვდიდა, რომლის მეშვეობითაც კრემლი ინფორმაციას იღებდა. ავსტრიის არმიის წინასწარი შეფასებით, რუსულ მხარეს განსაკუთრებული მნიშვნელობის სახელმწიფო საიდუმლოების შესახებ ინფორმაციას არ მიუღია. სამართალდამცველებმა ყოფილი ოფიცრის სახლიდან ყველა ტექნიკა უკვე ამოიღეს და ინფორმაცია პროკურატურაშია გადაცემული.

გაზეთი Kronen Zeitung კი, წერს რომ ბრალდებული რუსეთის სამხედრო დაზვერვისთვის 20 წლის განმავლობაში მუშაობდა. ამისთვის მან, 300 ათასი ევრო მიიღო. ის რუს კურატორს 2 კვირაში ერთხელ ეკონტაქტებოდა და ავსტრიის სამხედრო-საჰაერო ძალების, საარტილერიო დანადგარების და გამართული თათბირების შესახებ ინფორმაციას აწვდიდა.

"სკანდალი არ გააუმჯობესებს ურთიერთობებს რუსეთსა და ევროკავშირის შორის", - განაცხადა ავსტრიის კანცლერმა. რაც შეეხება ავსტრიიდან რუსი დიპლომატების შესაძლო გაძევების საკითხს, კურცმა დასძინა, რომ "შემდეგ ნაბიჯებს ევროპელ პარტნიორებთან განიხილავს".

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია