სერგეენკო: აჭარის რესპუბლიკური საავადმყოფო ყოველთვის ჯანდაცვის სტრატეგიული ობიექტი იყო და სახელმწიფო საკუთრებაში დარჩება

2018-11-03 15:00:34, 1103 ნახვა

რეგიონი

აჭარის რესპუბლიკური საავადმყოფო ყოველთვის ჯანდაცვის სტრატეგიული ობიექტი იყო და ამ კლინიკას ძალიან მდიდარი სამედიცინო ტრადიციები აქვს, - ამის შესახებ საქართველოს ოკუპირებუილი ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა დავით სერგეენკომ განაცხადა.

მისივე თქმით, სამედიცინო პერსონალი განახლებულ ინფრასტრუქტურაში შეძლებს მუშაობას.

"ამ ეტაპაბდე ჩვენ შევძელით ის, რომ ძველ შენობაში მომუშავე კოლექტივს ახალი შენობა ავუშენეთ, მშენებლობა სულ მალე დასრულდება და სამედიცინო პერსონალი განახლებულ ინფრასტრუქტურაში გააგრძელებს მოღვაწეობას", - დასძინა მან.

მინისტრმა ყურადღება გაამახვილა აჭარის რესპუბლიკური საავადმყოფოს განვითარების გეგმებზეც.

"აჭარის რესპუბლიკური საავადმყოფო, ისევე როგორც სხვა სამი კლინიკა, მთელი საქართველოს მასშტაბით, ესენია: თბილისის რესპუბლიკური საავადმყოფო, საჩხერის სამედიცინო ცენტრი, ზუგდიდის, სოფელ რუხის საუნივერსიტეტო კლინიკა დარჩებიან სახელმწიფო საკუთრებაში. სახელმწიფო გააკეთებს ინვესტიციას, რათა შეიქმნას სანიმუშო ეტალონური კლინიკების პროექტი, რომელსაც ექნება, როგორც საუნივერსიტეტო განათლების, ასევე ხარიხსიანი ჯანდაცვის მიწოდების მძლავრი პოტენციალი. ეს იქნება ერთგავრი ხარისხის თამასა, რომელსაც დროთა განმავლობაში გაუსწორდებიან სხვა კლინიკებიც. ეს არის მნიშვნელოვანი სტრატეგიული პროექტი და ბათუმის რესპუბლიკური საავადმყოფო ამ პროექტის განუყოფელი ნაწილია. ამ ეტაპზე ბათუმის რესპუბლიკურ სააავდმყოფოში მშენებლობის პროცესი სრულდება და ალბათ, მომავალი წლის გაზაფხულიდან დაიწყება აღჭურვა", - განაცხადა სერგეენკომ.

რაც შეეხება დაფინანსების საკითხს, მინისტრის თქმით, აღნიშნული პროექტი აჭარის მთავრობასთან თანამშრომლობით ხორციელდება. კლინიკის მშენებლობა აჭარის მთავრობის ბიუჯეტიდან დაფინანსდება, ხოლო აღჭურვის ნაწილი - ცენტრალური ბიუჯეტის პასუხისმგებლობა იქნება.

(NS)