„ღმერთი არ გაუწყრეს ამომრჩეველს, რომ არასწორი არჩევანი გააკეთოს“ - მეუფე პეტრე ზურაბიშვილს აკრიტიკებს

2018-09-17 15:31:51, 3051 ნახვა

კომენტარი

სინოდის წევრი, მეუფე პეტრე ცაავა "ქართული ოცნების" მხარდაჭერილი, პრეზიდენტობის დამოუკიდებელი კანდიდატის სალომე ზურაბიშვილის განცხადებებს ეხმაურება.

სასულიერო პირმა პრეზიდენტობის კანდიდატი გააკრიტიკა:

"ძალიან საინტერესო სიტყვაა ქართულ ლექსიკონში - "დაფრანგული". მაშინ როდესაც მე-18, მე- 19 საუკუნეში ჩამოვიდნენ ფრანგი მისიონერები, რომლებიც კათოლიკურ სარწმუნოებას ქადაგებდნენ, ატყუებდნენ ქართულ მოსახლეობას, თითქოს ფილოსოფიას ასწავლიდნენ მათ, ქართველმა ხალხმა დასავლეთში, გურიაში, სამეგრელოში, მათ აზროვნებას გაუკუღმართებული ანუ დაფრანგული უწოდა. ეს სიტყვა დღემდე არსებობს. ჩვენი დაფრანგულუ ქალბატონი, თავისი დაფრანგული აზროვნებით, ვერ მოგვიტანს კეთილდღეობას და დარწმუნებული ვარ, რომ ღმერთი არ დაუშვებს. ღმერთი არ გაუწყრეს ქართველ მოსახლეობას, ქართველ ამომრჩეველს, რომ გააკეთოს არასწორი არჩევანი. გვესმის შეფასება, რომ განგრენა ყოფილა თურმე აფხაზეთი და ცხინვალში არსებული პრობლემა, ეს არის ბოროტება, ეს არის სიძულვილი და მტრობა ჩვენი სახელმწიფოებრიობისა. მინდა გითხრათ, რომ აფხაზეთი, ცხინვალი, ტაო-კლარჯეთი, ჰერეთი და სხვა კიდევ 5 ქართული მიწა, არის მოუშუშებელი ღია ჭრილობა ქართველი ერისთვის, რომელიც აუცილებლად გამოჯანმრთელდება. განგრენა საქართველოში არის, ქვეყანაში ე.წ. მე-5 კოლონის არსებობა. განგრენა არის ანტიეროვნული შეგნება საქართველოში, ეს არის მტრობა, ფულის, თანამდებობის გაკერპება და ამისგან ერი უნდა განთავისუფლდეს", - განაცხადა მეუფემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები