საქართველოს თავდაცვის მინისტრი თინათინ ხიდაშელი ლეიტენანტ შოთა ხურციძის სახელობის ჯავშანსატანკო სასწავლო ცენტრს ახალციხეში ესტუმრა.

თავდაცვის სამინისტროს ინფორმაციით, მინისტრთან ერთად ახალციხეში საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და წვრთნებისა და სამხედრო განათლების სარდალი, პოლკოვნიკი ლევან ბერია იმყოფებოდნენ. თავდაცვის უწყების ხელმძღვანელებს ჯავშანსატანკო ცენტრის მეთაურმა, პოლკოვნიკმა ლერი გელხაურმა უმასპინძლა. სტუმრებმა ცენტრის ინფრასტრუქტურა დაათვალიერეს და მის შესაძლებლობებს გაეცნენ.

მოგვიანებით, თავდაცვის უწყების ხელმძღვანელმა პირებმა რაბათის ციხეში გადაინაცვლეს, სადაც ჯავშანსატანკო სასწავლო ცენტრის კურსების დასრულების ცერემონიალი გაიმართა. თავდაცვის მინისტრმა თინათინ ხიდაშელმა და გენერალური შტაბის უფროსმა, გენერალ-მაიორმა ვახტანგ კაპანაძემ უმცროს ოფიცერთა, ტანკის მეთაურთა და მექანიზირებულ სპეციალისტთა მსმენელებს კურსების წარმატებით დასრულება მიულოცეს და დიპლომები გადასცეს.

ცხრათვიანი მომზადების პროგრამა T-72, T-55 ტიპის ტანკების, ასევე ჯავშანტრანსპორტიორებისა და ქვეითთა საბრძოლო მანქანების БМП-1 და БМП-2 მართვას და ექსპლუატაციის შესწავლას გულისხმობდა. სამხედრო მოსამსახურეებმა საფუძვლიანი ტაქტიკური, ტექნიკური და საინჟინრო მომზადება გაიარეს. საწვრთნელი პროგრამა ძირითადად საველე-პრაქტიკულ სწავლებებს მოიცავდა.

სასწავლო კურსის დასრულების ცერემონიალს მუსიკალურად ფოლკლორული ანსამბლი „მესხეთი“ აფორმებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს

აშშ-ში ტანკერ Marinera-ს ქართველ კაპიტანს 10 თვიანი პატიმრობა და დეპორტაცია მიესაჯა

ახალგაზრდული ორგანიზაციები ევროკავშირის საგარეო საქმეთა მინისტრებს ღია წერილით მიმართავენ

კობახიძე- ქართული კულტურისთვის უცხოა რუსოფობია, გარეთ პატრონები, შიგნით აგენტურა, ყველა ერთად ცდილობს, გააღვივოს ეს კამპანია ჩვენს ქვეყანაში