„სადაც ტერორისტად გამომაცხადეს, რატომ უნდა მიკვირდეს, დანაშაულის დამფარავი იქნება თუ მკვლელი იქნება, რომ გაათავისუფლონ“, - ასე შეაფასა ხორვას ქუჩაზე მოკლული ერთ-ერთი მოზარდის მამამ, ზაზა სარალიძემ, საქალაქო სასამართლოს გადაწყვეტილება, რომლის მიხედვითაც დანაშაულის დაფარვისთვის დაკავებულები გათავისუფლდნენ.

ზაზა სარალიძის თქმით, ქვეყანაში შერჩევითი სამართალი მოქმედებს და ის აღნიშნული გადაწყეტილებით გაკვირვებული არაა. ამასთან, სარალიძემ სექტემბრიდან აქციების განახლება დაანონსა.

„ფაქტია, რომ ჩვენ ქვეყანაში ისევ და ისევ სუფევს შერჩევითი სამართალი, დღევანდელი ფაქტი, რაც მოხდა, სასამართლო პროცესიდან დანაშაულის დაფარვაზე პირების გათავისუფლება, ეს იყო უკვე მეტისმეტი და ძალიან გადაჭარბებული არა მარტო სასამართლოს მხრიდან, არამედ პროკურატურის მხრიდან. პირდაპირ შემიძლია ვთქვა, გონივრული ეჭვი მაქვს იმის, რომ ეს არ იყო მოსამართლის გადაწყვეტილება, ეს გადაწყვეტილება მას მიაღებინეს ძალით იქიდან გამომდინარე, რომ ზაზა სარალიძე გამოვიყვანოთ მწყობრიდან. მაგრამ ზაზა სარალიძეს ესენი მწყობრიდან ვერ გამოიყვანენ, ნაბიჯ-ნაბიჯ მივყვები სამართლებრივი წესით დავუმტკიცებ მე ამათ, რომ შერჩევითი სამართალი უნდა მოისპოს ჩვენს ქვეყანაში, არც გამკვირვებია სიმართლე გითხრათ ეს გადაწყვეტილება, არც გამიკვირდება შემდგომი გადაწყვეტილებები, იქიდან გამომდინარე, რომ რაც შაბათ დღეს მოხდა, ცემი, ქალბატონ ელისო კილაძისა და მალხაზ მაჩალიკაშვილის სტრასბურგში ვიზიტთან დაკავშირებით. საქართველოს ხელისუფლებამ პირდაპირ გადასცა გერმანიის ხელისუფლებას, რომ ჩვენ ვიყავით ტრორიზმში ეჭვმიტანილი. სადაც ტერორისტად გამომაცხადეს, რატომ უნდა მიკვირდეს, დანაშაულის დამფარავი იქნება თუ მკვლელი იქნება, რომ გაათავისუფლონ სასჯელისგან. მე ბრძოლას ვაგრძელებ და ერთი შემიძლია პირდაპირ ვთქვა, „წიწილებს შემოდგომაზე ითვლიან“ და სექტემბრიდან ვაპირებ აქციების გაგრელებას, რაშიც დამჭირდება ხალხის გვერდში დგომა“, - განაცხადა ზაზა სარალიძემ.

შეგახსენებთ, რომ საქალაქო სასამართლომ, ხორავას ქუჩაზე მომხდარი მკვლელობის საქმეზე, დნააშაულის დაფარვის მიზნით დაკავებული პირების აღკვეთის ღონისძიების შეცვლის მოთხოვნა დააკმაყოფილა და სამივე ბრალდებულს პატიმრობა გირაოთი შეეცვალათ. კერძოდ, თენგიზ კალანდია 5000 ლარიანი გირაოთი გათავისუფლდა, ზაქარია წინწკალაძე და გიორგი შაბურიშვილი კი 3 000-3 000-ლარიანი გირაოთი.

ავტორი: ,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა