სასამართლომ ტერორიზმის საქმეზე ბრალდებული ყველა პირი პატიმრობაში დატოვა

2018-07-27 17:34:00, 1151 ნახვა

სამართალი

საქალაქო სასამართლომ ტერორიზმის ხელშეწყობაში ბრალდებული ექვსი პირი პატიმრობაში დატოვა.

გადაწყვეტილება მოსამართლემ ცოტა ხნის წინ გამოაცხადა. ბრალდებულები მოსამართლის წინაშე ბოლო სიტყვით წარდგნენ.

მოსამართლემ ბრალდებულებს 13, 12 და 11 წლით თავისუფლების აღკვეთა მიუსაჯა.

შეგახსეებთ, 2017 წლის 21-22 ნოემბერს და 26 დეკემბერს, თბილისსა და პანკისის ხეობში სპეცოპერაციები ჩატარდა. თბილისში ჩატარებული სპეცოპერაციის დროს ტერორისტული დაჯგუფების 2 წევრის ლიკვიდირება მოხდა, ხოლო დაჯგუფების ლიდერმა ახმედ ჩატაევა თავი აიფეთქა. გარდა ამისა, სპეცოპერაციის მიმდინარეობისას სახელმწიფო უსაფრთხოების სამსახურის ერთი თანამშრომელი დაიღუპა, 4 სამართალდამცველი კი, დაშავდა. რაც შეეხება პანკისის ხეობაში ჩატარებულ სპეცოპერაციას, სუს-მა ჯგუფთან კავშირში მყოფი სხვა პირები რუსლან ალდამოვი, ბადურ ჩოფანაშვილი, რამაზ მარგოშვილი და ზურაბ გორნაკაშვილი დააკავა. ამასთან, სპეცოპერაციის დროს გარდაიცვალა პანკისის ხეობის მკვიდრე თემირლან მაჩალიკაშვილი, რომელსაც სუს-ი ჩატაევთან კავშირს ედავება.

ცნობისთვის, ჩატარებული სპეცოპერაციის დროს სულ 6 პირი დააკავეს, რომელთაგან ორ პირს, ტერორისტული ორგანიზაციის წევრობა ედება ბრალად, ოთხს კი ტერორისტების დახმარება და მათი საქმიანობის ხელშეწყობა. ამავე ბრალდებით დაკავებული კიდევ ორი პირის საქმე ცალკე განიხილება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები