ოკუპირებული აფხაზეთის დე-ფაქტო პარლამენტმა პირველი მოსმენით "კანონპროექტი" მიიღო, რომელიც ნარკოტიკების გასაღებისთვის და სატრანსპორტო საშუალების ნარკოტიკული თრობის მდგომარეობაში მართვისთვის სასჯელის გამკაცრებას ითვალისწინებს, - ამის შესახებ "სპუტნიკ-აბხაზია" იუწყება. 

მედია საშუალების ინფორმაციით, "კანონპროექტი" 26 ივნისს გამართლ "სესიაზე" განიხილეს. 
ცვლილებების დამტკიცების შემთხვევაში, "კანონდარმღვევს" სასჯელის სახით სამუდამო პატიმრობა ან სიკვდილით დასჯა დაემუქრება. 

როგორც ე.წ. დეპუტატმა დიმიტრი დბარმა აღნიშნა, აქამდე ანალოგიური დანაშაულისთვის სასჯელის სახით გათვალისწინებული იყო 15-დან 20 წლამდე თავისუფლების აღკვეთა.

„ეს სანქცია იმ პირთა ჯგუფზე გავრცელდება, რომლებსაც დიდი ოდენობით ნარკოტიკული საშუალებები გადააქვთ. ეს სანქცია არ გავრცელდება ჩვეულებრივ მოქალაქეებზე, რომლებიც ნარკოტიკებს მოიხმარენ. სანქცია მხოლოდ და მხოლოდ გამავრცელებლებს შეეხებათ“, - აღნიშნა დბარმა.

ავტორი: ,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს