„მივიღეთ მყარი გარანტია, რომ ესტონეთი რჩება საქართველოს მთავარ აქტიურ ლობისტად ნატოსა  და ევროინტეგრაციის პროცესში“, - ამის შესახებ საქართველოს პრეზიდენტმა დავით უსუფაშვილმა ესტონეთის პრეზიდენტთან ტომას ჰენდრიკ ილვესთან შეხვედრის შემდეგ ჟურნალისტებს განუცხადა. 

მისივე თქმით, მხარეებმა შეხვედრაზე რუსეთის მხრიდან იმ გამოწვევებზე ისაუბრეს, რომელიც ქართველ და ესტონელ ხალხს ერთად აქვთ. 

„საქართველოს ჰყავს ნაცადი მეგობრები მსოფლიოში და ესტონეთი არის ერთ-ერთი მაგალითი. ვინაიდან, მრავალი მიმართულებით ვთანამშრომლობთ -  სამთავრობო დონეზე, კულტურული ურთიერთობების და საგანმანათლებლო დონეზე.  დღეისთის ესტონეთში 150-მდე სტუდენტი ეუფლება სხვადასხვა პროფესიას, მათ შორის სამხედრო პროფესიას. საქართველოში 50-მდე ოფიცერმა მიიღო სამხედრო განათლება. სამაგალითო ურთიერთობაა ქვეყნებს შორის, რომელიც გაგრძელდება. ცხადია, იმ გამოწვევებზე ვისაუბრეთ, რომელიც ქართველ და ესტონელ ხალხს ერთად გვაქვს. ეს არის რუსული აგრესია, რუსეთის მცდელობა, საბჭოთა იმპერია აღადგინოს და ცხადია ამ გეგმებში არის არა მხოლოდ საქართველო, არამედ სხვა ქვეყნები და ტერიტორიები. ეს ყველაფერი რომ  მშიდობიანი გზით მოგვარდეს,  გვსურს,  ხელი შევუწყოთ უკრაინის ტერირტორიული მთლიანობის რაც შეიძლება სწრაფად აღდგენას და ომის სწრაფად დამთავრებას.  ჩვენ მივიღეთ კიდევ ერთხელ მყარი გარანტია იმისა, რომ ესტონეთი რჩება საქართველოს მთავარ აქტიურ ლობისტად ნატოსა  და ევროინტეგრაციის პროცესში.. ეს იყო ნაყოფიერი შეხვედრა და დასტური იმისა, რომ ეს ურთიერთობები გაგრძელდება”, - აღნიშნა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება