ხორავას ქუჩაზე მომხდარი მკველელობის საქმეზე, დანაშაულის შეუტყობინებლობისთვის დაკავებული მირზა სუბელიანი და ერთ-ერთ მოწმე არასრულწლოვანზე ზემოქმედების ფაქტზე დაკავებული, მერაბ მორჩაძე პატიმრობაში რჩებიან.

საქალაქო სასამართლომ ბრალდებულების ადვოკატების მოთხოვნა, მათ მიმართ არსებული აღკვეთის ღონისძიების გადასინჯვის საკითხზე, არ დააკმაყოფილა.

დღევანდელ პროცესზე მირზა სუბელიანი არ გამოცხადებულა, ხოლო მერაბ მორჩაძე სხდომას ესწრებოდა.
პროკურორის განმარტებით, მორჩაძეს კონკერტული ქმედება აქვს განხორციელებული.

„კონკრეტული ფაქტობრივი გარემოება, რომ მერაბ მორჩაძე იმყოფებოდა მის ახლო ნათესავებთან სახლში, მაქსიმალურად ეცადა და ყველაფერი გააკეთა იმისათვის, რომ კონკრეტულ პირებს სასამართლო პროცესზე შეეცვალა ჩვენება, ეს ბუნებრივია ფაქტობრივ საფუძველს იძლევა იმისა, რომ კონკრეტული ქმედება არის განხორციელებული, რასაც სასამართლოში შემდგომ, ბუნებრივია ეცდება ბრალდების მხარე, რომ არსებითი განხილვების პროცესში დაადასტუროს“, - აღნიშნა პროკურორმა თორნიკე ნადირაძემ.

მერაბ მორჩაძის ადვოკატმა, გაგი მოსიაშვილმა, ქმედებები განმარტა. მისი თქმით, მორჩაძე მოწმის ოჯახს ფინანსურად ეხმარებოდა.

„კონკრეტულ შემთხვევაში, სიდუხჭირეში მყოფ ოჯახს, ეხმარებოდა და ეხმარება ბატონი მერაბ მორჩაძე და მისი ოჯახი. ვინაიდან უდაოდ დადასტურებული ფაქტია, რომ გარკვეული სახის ნათესაური კავშირი წლების განმავლობაში არსებობს ამ ადამიანებს შორის და უდაოდ დადასტურებული ფაქტია, მოწმეთა გამოკითხვებით, რომ ეს არ იყო პირველი შემთხვევა და ძალიან ბევრი შემთხვევა არსებობს იმის, რომ ბატონ მერაბ მორჩაძეს, მის ოჯახს დახმარება გაუწევია თუნდაც ფინანსური სახის“, - განაცხადა გაგი მოსიაშვილმა.

ავტორი: ,

სოციალური ქსელები

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო