სმიტების მკვლელობაში ბრალდებულ მახლაზ კობაურთან სახაზინო ადვოკატი შევიდა

2018-07-24 12:17:13, 890 ნახვა

სამართალი

ხადას ხეობაში სმიტების ოჯახის მკვლელობაში ბრალდებულ მალხაზ კობაურთან შესახვედრად, სახაზინო ადვოკატი ალუდა ბუჩუკური შევიდა.

როგორც ალუდა ბუჩუკურმა პენიტენციურ დაწესებულებაში შესვლამდე ჟურნალისტებს განუცხადა, ის ინფორმაციას ბრალდებულთან პოზიციის შეთანხმების გარეშე ვერ გასცემს.

„აღკვეთი ღონისძიების გამოყენების შემდეგ, პირველად ვხვდები, მას შემდეგ არ შევხვედრილვარ. შევათანხმებ პოზიციას და თუ კი ბრალდებულის ნება იქნება, გავაკეთებ კომენტარს“, - აღნიშნა ადვოკატმა.

შეგხსენებთ, რომ 7 ივლისს დუშეთის მუნიციპალიტეტში, ხადის ხეობაში საქართველოსა და აშშ-ის ორმაგი მოქალაქე ცოლ-ქმარი რაიან სმიტი და მისი მეუღლე ლორა დაღუპული იპოვეს. მოგვიანებით იპოვეს მათი 4 წლის ბავშვის ცხედარიც. აღნიშნულ საქმეზე მალხაზ კობაური დააკავეს. 11 ივლისს მალხაზ კობაურს წინასაწრი პატიმრობა შეეფარდა. სახაზინო ადვოკატი საქმეში მას შემდეგ ჩაერთო, რაც კერძო ადვოკატმა დავით გირგვლიანმა კობაურის დაცვაზე უარი განაცხადა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები