წულუკიანი - შალვა თადუმაძე ჩემი ნათესავი არ არის, მისი შვილის ნათლია ვარ

2018-07-09 16:30:28, 1055 ნახვა

კომენტარი

იუსტიციის მინისტრი თეა წულუკიანი მთავარი პროკურორობის კანდიდატ შალვა თადუმაძესთან ნათესაურ კავშირს უარყოფს.

როგორც წულუკიანმა ჟურნალისტებს განუცხადა, იგი თადუმაძის შვილის ნათლიაა.

„შალვა თადუმაძე ჩემი ნათესავი არ არის, მე მისი შვილის ნათლია ვარ. ის გავიცანი პოლიტიკურ ბრძოლაში 2012 წელს, როდესაც ბიძინა ივანიშვილის გარშემო ჩვენ ვიყავით იურისტების ჯგუფი შემოკრებილი, რომლებმაც „ქართულ ოცნებასთან“ ერთად ვიბრძოლეთ და დავამარცხეთ „ნაციონალური მოძრაობა“. 1 ოქტომბერს ამ ჯგუფში იყო ბატონ არჩილ კბილაშვილი, შალვა თადუმაძე, თქვენი მონამორჩილი, ბატონი ზაქრო ქუცნაშვილი, ბატონი ალექსანდრე ბარამიძე. შეიძლება გამომრჩეს რამდენიმე მნიშვნელოვანი გვარი, მაგრამ ეს იყო საკმაოდ შთამბეჭდავი ჯგუფი იურისტებისა და ასე შედგა ჩვენი ნაცნობობა“,-განაცხადა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები