„ელიავას ბაზრობა კერძო საკუთრებაა და ჩვენი ხელისუფლების პირობებში, კერძო საკუთრებას კანონდარღვევით არასდროს შევხებივართ“, - ამის შესახებ თბილისის მერმა კახა კალაძემ განაცხადა. 

დედაქალაქის მერის თქმით, ბაზრობის გადატანა მხოლოდ მეპატრონეებთან თანხმობის შედეგად მოხდება და თანხმობის შემთხვევაში, თბილისის მერია მზადაა, ალტერნატიული კეთილმოწყობილი ტერიტორია გამოყოს. 

როგორც კახა კალაძემ აღნიშნა, მათთან შეხვედრა უახლოეს პერიოდში გაიმართება.

„ელიავას ბაზრობა კერძო საკუთრებაა, ჩვენი ხელისუფლების პირობებში, კერძო საკუთრებას კანონდარღვევით არასდროს შევხებივართ და ვერავინ გაბედავს, რომ შეეხოს. ჩვენ გვექნება მეპატრონეებთან შეხვედრა. ბაზრობის გადატანა მხოლოდ მათი თანხმობის შედეგად მოხდება. მათი სურვილის შემთხვევაში, მზად ვართ, ახალი ტერიტორია გამოვყოთ, რომელიც კეთილმოწყობილი იქნება. ამ კონკრეტულ ადგილას კი, მწვანე სივრცეს შევქმნით. მეორე ალტერნატივა არის ის, რომ იმ სიმახინჯეების ნაცვლად, რაც ელიავას ბაზრობაზე არსებობს, ახალი, თანამედროვე, მულტიფუნქციური ცენტრი შეიქმნას, სადაც ადამიანებს პროდუქციის გაყიდვა შეეძლებათ. პირობები, რაც დღეს არსებობს, პირველ რიგში, იქ მომუშავე, ასევე, ირგვლივ მცხოვრები ადამიანებისთვის და ზოგადად, ქალაქისთვის პრობლემას წარმოადგენს“, - განაცხადა კახა კალაძემ. 

რაც შეეხება ალტერნატიულ ტერიტორიას, თბილისის მერის თქმით, მეპატრონეებთან  შეხვედრისას მოსაზრებების გაზიარება მოხდება და შესაბამისი  გადაწყვეტილებები ამის შემდეგ იქნება მიღებული.

(NS)

ავტორი: ,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს