„ოჯახის წევრის გარდაცვალების შემთხვევაში სოციალური დახმარება აღარ შეწყდება “,- ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ ბრიფინგზე განაცხადა.

როგორც მინისტრმა ჟურნალისტებს განუმარტა, ამ დრომდე ოჯახში დემოგრაფიული ცვლილების დროს სოციალური დახმარება წყდებოდა და მისი ხელახალი გადაფასება ხდებოდა.

„მთავრობის სხდომაზე გავიდა ერთ-ერთი მორიგი ცვლილება სოცილაური დახმარების მეთოდოლოგიაში. ადრე იყო ასეთი წესი, რომ ოჯახის წევრების დემოგრაფიული მონაცემების ცვლილების შემთხვევაში, ხდებოდა თავიდან გადაფასება ოჯახის სოციალური მდგომარეობის და ეს გადაფასება, სანამ არ დასრულდებოდა, იმ პერიოდის განმავლობაში, სოცილაური დახმარება ჰქონდათ შეწყვეტილი. ეს განსაკითრებულად მტკივნეული იყო იმ შემთხვევებში, როდესაც ოჯახის წევრის გარდაცვალების შემთხვევაში წყდებოდა სოციალური დახმარება, ხდებოდა გადაფასება და ეს პერიოდი სამ თვემდე პერიოდს იჭერდა და მერე თუ ისევ იმ ქულებში მოექცეოდნენ, კონპენსირდებოდა წინა თვეები და გრძელდებოდა. გამომდინარე იქიდან, რომ დიდი უკმაყოფილება იყო ამ მხრივ, და გაკეთებულმა ანალიზმა გვაჩვენა, რომ შეწყვეტის შემთხვევებში, 50%-ში ისევ აღდგება ეს სოციალური დახმარება და ამიტომ მთავრობის სხდომაზე გავიტანეთ პროექტი, რომელზეც მთავრობა დაგვეთანხმა, რომ ოჯახის წევრის გარდაცვალების შემთხვევაში აღარ შეწყდება სოციალური დახმარება, მოხდება გადაფასება და თუ აღმოჩნდება, რომ ქულა გაიზარდა მხოლოდ ამ შემთხვევაში მოეხსნება, სხვა შემთხვევაში წყვეტა არ იქნება“, -აღნიშნა სერგეენკომ.

ავტორი: ,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს