იუსტიციის უმაღლესი საბჭოს სხდომაზე დღეს იმ 7 მოსამართლეს უყრიან კენჭს, რომლებსაც უვადო გამწესება სურთ.

აღნიშნულ პროცესს საბჭოს არამოსამართლე წევრები აპროტესტებენ. მათი თქმით, უვადოდ დანიშვნის შესაძლებლობა არ აქვთ გარედან მოსულ კანდიდატებს.

საბჭოს არამოსამართლე წევრის ანა დოლიძის შეფასებით, სისტემა არის დახურული და კლანურად იმართება.

„უვადო დანიშვნები ადასტურებს იმ პრობლემებს, რომელზეც მანამდე ვსაუბრობდით, პროცესი არის გაუმართავი, გასაუბრება იყო სულ მცირე არაეთიკური, არ ამთავრებინებენ გამომსვლელებს სიტყვებს, ხშირად უსვამენ კითხვებს, რომლის ერთადერთი მიზანია, კონკურსანტმა თქვას ჩემი და ქალბატონი ნაზის საწინააღმდეგო აზრი. მთავარი სისტემური პრობლემა, რომელიც აქ გამოვლინდა არის, რომ სისტემა არის ჩაკეტილი“, - აღნიშნა ანა დოლიძემ.

მისივე ინფორმაციით, იუსტიციის უმაღლესი საბჭოს არამოსამართლე წევრებს სხვადასხვა სასამართლოებში მისვლის პრობლემა აქვთ. დოლიძის განმარტებით, მოსამართლესთან გასაუბრება მთელ რიგ ბიუროკრატიულ ბარიერებს უკავშირდება.

"მთელი რიგი ბიუროკრატიული ბარიერები არსებობს, რომ ჩვენ ვერ შევძლოთ სასამართლოში მისვლა, მოსამართლეებთან საუბარი, რისი უფლებაც საბჭოს წევრს აქვს და დარჩება კიდეც რაც არ უნდა ბევრი ბიუროკრატიული წინაღობები შექმნან. ჩვენ წინაღობები გვექმნებოდა მანამდეც, მაგრამ ეს არის ამ წინაღობების მორიგი საფეხური და მორიგი გაფორმება“, - განაცხადა დოლიძემ.

ავტორი: ,

სოციალური ქსელები

საკრებულოების შუალედურ არჩევნებში მონაწილეობას მხოლოდ ოცნება და ლელო მიიღებს

ეკა კუპატაძე თამარ ბაჩალიაშვილის მშობლებს მხარდაჭერას უცხადებს

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე