ე.წ. სამხრეთ ოსეთი 26 აგვისტოს "დამოუკიდებლობის" 10 წლისთავს აღნიშნავს, - ამის შესახებ "სპუტნიკ-ოსეტია" იუწყება.

"სპუტნიკი" სეპარატისტული რეჟიმის მიერ ღონისძიებაზე მიწვეული სტუმრების სიას აქვეყნებს. მიწვეული სტუმრების სიაში არიან: რუსეთის პრეზიდენტი ვლადიმერ პუტინი, ოკუპირებული აფხაზეთის დე-ფაქტო პრეზიდენტი რაულ ხაჯიმბა, ვენესუალას ლიდერი ნიკოლას მადურო, ნიკარაგუას პრეზიდენტი დანიელო ორტეგა, ნაურუს ლიდერი ბარონ დივავესი ვაკა, სირიის პრეზიდენტი ბაშარ ასადი, ოკუპირებული ლუგანსკის ლიდერი ალექსანდრ ზახარჩენკო და მთიანი ყარაბაღის ხელმძღვანელი ბაკო სააკიანი.

ოკუპირებული ცხინვალის ე.წ. ლიდერის პრეს-მდივნის ინფორმაციით, ღონისძიებას შესაძლოა რუსეთის პატრიარქი კირილეც დაესწროს. მისივე თქმით, მანამდე ცნობილი გახდა, რომ 10 წლის "იუბილეს" სერბეთის პრეზიდენტი მილორად დოდიკი დაესწრებოდა.

ცნობისთვის, ე.წ. სამხრეთ ოსეთის დამოუკიდებლობა 2008 წლის აგვისტოში ჯერ რუსეთმა, ხოლო შემდეგ ნიკარაგუამ, ვენესუელამ, ნაურუმ და სირიამ აღიარეს.

ავტორი: ,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს