„ქალბატონო ელენე, თქვენ სანდრო გირგვლიანის მეგობარი იყავით, შეხედეთ ვისთან ერთად ხართ პარტიაში და ამის მერე დამისვით კითხვები“, - ასე უპასუხა იუსტიციის მინისტრობის კანდიდატმა თეა წულუკინამ „ევროპული საქართველოს“ წევრს, ელენე ხოშტარიას, რომელმაც მისი საქმიანობა გააკრიტიკა და განაცხადა, რომ „ოჯახები ცუნამმა და უსამართლობის განცდამ წაიღო“.

„ქალბატონი ელენე ხოშტარია რაღაც ოჯახის თავზე დატრიალებულ ცუნამებზე მელაპარაკება. ცუნამი კი არა უარესი დატრიალდა ბატონი სარალიძის, სუბელიანის, დადუნაშვილის და ბევრი სხვა ოჯახის თავზე. მე არ ვიცი ამაზე დიდი ტრაგედია რა შეიძლება იყოს. არც ერთ მშობელს არ ვუსურვებ, მისმა შვილმა სხვა ბავშვი მოკლას ან მისი ბავშვი იქნეს სხვა ბავშვის მიერ მოკლული. ეს იყო ყველაზე დიდი ტრაგედია მაგრამ მე კიდევ სხვა ცუნამი მახსენდება, ეს არის სანდრო გირგვლიანის საქმე და ქალბატონო ელენე, თქვენ სანდროს მეგობარი იყავით და შეხედეთ ვისთან ერთად ხართ პარტიაში და ამის მერე დამისვით კითხვები“, - განაცხადა წულუკიანმა.

შეგახსენებთ, ელენე ხოშტარიამ კომიტეტების გაერთიანებულ სხდომაზე თეა წულუკიანის საქმიანობა გააკრიტიკა და აღნიშნა, რომ არსებულ ვითარებაში მისი აღქმა არაადეკვატურია.

„აზრი ხომ არ შეიცვალეთ იმასთან დაკავშირებით, რომ შოთაძემ რაღაც ხომ არ დააშავა მოქალაქეებთან? - აბსოლუტურად არაადეკვატურია თქვენი აღქმა და თქვენი პასუხისმგებლობის აღქმა იმ ვითარებაში, რა ვითარებაშიც დღეს არის ქვეყანა. იმ კრიზისის ფონზე, როდესაც ადამიანი აბსოლუტურად გაითელა და თქვენ საუბრობთ რაღაც ტალღებზე. ხუთი წელია ადამიანის უფლებების დროშით ხართ მოსული, რეფორმების ტალღებზე ლაპარაკობთ და ცუნამმა და უსამართლობის განცდამ წაიღო ოჯახები“, - განაცხადა ხოშტარიამ.

ავტორი: ,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები