ხელვაჩაურის მუნიციპალიტეტის სოფელ ჩხუტუნეთში მცხოვრებ ფადიმე მალაყმაძეს დაბადებიდან 100 წელი შეუსრულდა.

უხუცეს ქალბატონს იუბილე აჭარის ა/რ ჯანმრთელობისა და სოციალური დაცვის მინისტრის მოადგილე ზურაბ თენიეშვილმა, სოციალური დაცვის დეპარტამენტის უფროსმა ინდირა ნაკაიძემ და ხელვაჩაურის მერის მოადგილე კახა ფუტკარაძემ მიულოცეს.

ფადიმე მალაყმაძე 1918 წელს ხელვაჩაურის მუნიციპალიტეტის სოფელ ქოქოლოთში დაიბადა, ადრეულ ასაკში დაოჯახდა, ჰყავს 5 შვილი, 15 შვილიშვილი და 22 შვილთაშვილი. 1951-1953 წლებში რეპრესირებული იყო ყაზახეთის რესპუბლიკაში.

იუბილარს აჭარის ჯანდაცვის სამინისტროს პროგრამის „100 წელს გადაცილებულ მოქალაქეთა ერთჯერადი მატერიალური დახმარების“ ფარგლებში 1000 ლარი გადაეცა. სამინისტრო პროგრამას 2004 წლიდან ახორციელებს. 2014 წლამდე თითოეულ მოქალაქეზე 500 ლარი გაიცემოდა, 2014 წელის შემდეგ თანხის ოდენობა გაიზარდა და 1000 ლარს შეადგენს. ამჟამად აჭარაში 100 წლისა და 100 წელს გადაცილებული 30 მოქალაქე ცხოვრობს, ყველა მათგანი ქალბატონია, 8 მოქალაქეს 1000 წელი წლის ბოლომდე შეუსრულდება. აჭარაში ყველაზე უხუცესი ხულოს მუნიციპალიტეტის სოფელ ირემაძეებში მცხოვრები ფიქრიე ირემაძე, ის 1905 წელს დაიბადა და 2018 წელს 113 წელი შაეუსრულდა.

(NS)

ავტორი: ,

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი