„როგორც მე მახსოვს, ამაში თავად ბახტაძეს მონაწილეობა არ მიუღია და ეს იყო იმ სქემის ნაწილი, როდესაც ასეთ მდგომარეობაში აღმოჩნდა ასობით კომპანიის დირექტორი“, - ასე უპასუხა ფრაქცია „ქართული ოცნების“ თავმჯდომარე მამუკა მდინარაძე ჟურნალისტის შეკითხვას, რომლის თანახმადაც, 2012 წლის აგვისტოში, ბახტაძემ „ნაციონალური მოძრაობა“ 20 ათასი ლარით დააფინანსა.

მდინარაძის თქმით, ამაზე საუბარი იყო მაშინ, როდესაც ის მინისტრად ინიშნებოდა, თუმცა მისივე თქმით, ბახტაძემ ყველა კითხვას ამომწურავად უპასუხა.

„მე ვერ გეტყვით, რომ ზუსტი ინფორმაცია მაქვს აღნიშნულ საკითხთან დაკავშირებით, თუმცა ზოგადი ინფორმაცია მაქვს. ეს საკითხი აქტუალური დღეს არ გამხდარა, ჯერ კიდევ მაშინ გახდა, როცა ბახტაძე მინისტრად ინიშნებოდა. გახსოვთ ალბათ „ნაციონალური მოძრაობის“ საშინელი სქემა, როდესაც კომპანიების დირექტორების სახელით ისინი რიცხავდნენ ხოლმე თანხებს პარტიის ანგარიშზე და ამაში მათ მონაცემებს იყენებდნენ. როგორც მე მახსოვს, ამაში თავად ბახტაძეს მონაწილეობა არ მიუღია და ეს იყო იმ სქემის ნაწილი, როდესაც ასეთ მდგომარეობაში აღმოჩნდა ასობით კომპანიის დირექტორი“, - განაცხადა მამუკა მდინარაძემ.

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება