2018-06-08 18:11:59, 2103 ნახვა
სამართალი
შსს-მ ხორავაზე მომხდარი მკვლელობის საქმეზე, მოწმეზე ზემოქმედების ბრალდებით ერთი პირი დააკავა
შინაგან საქმეთა სამინისტრომ ხორავას ქუჩაზე მოზარდების მკვლელობის საქმესთან დაკავშირებით, მოწმეზე ზემოქმედების ფაქტზე ერთი პირი დააკავა.
ამის შესახებ უწყების განცხადებაშია აღნიშნული:
„ხორავას ქუჩაზე მომხდარი მკვლელობის საქმესთან დაკავშირებით მოწმეზე ზემოქმედების ფაქტზე მიმდინარე გამოძიების ფარგლებში მოპოვებული ახალი მტკიცებულებების გათვალისწინებით, მოსამართლის განჩინების საფუძველზე, სისხლის სამართლის კოდექსის 372-ე მუხლით დაკავებულია 1973 წელს დაბადებული მერაბ მორჩაძე.
მერაბ მორჩაძის დაკავება განხორციელდა მკვლელობის ძირითადი საქმიდან გამოყოფილი იმ სისხლის სამართლის საქმის ფარგლებში, რომელზეც გამოძიებას შინაგან საქმეთა სამინისტრო აწარმოებს“, - ნათქვამია შსს-ს განცხადებაში.
![]()
ავტორი: ,
epn.ge (@expressnews.ge)
