გვატემალაში ვულკანის ამოფრქვევის შედეგად დაღუპულთა რიცხვი 99-მდე გაიზარდა.

Reuters-ის ცნობით, კიდევ 200-მდე ადამიანი უგზო-უკვლოდ დაკარგულად ითვლება.

ამოფრქვევის შედეგად ახლოს მდებარე დასახლებული პუნქტები ვულკანური გაზებით, ფერფლითა და კლდოვანი მასალით განადგურდა.

ვულკანი კვირას, 3 ივნისს გააქტიურდა. სტიქიის ზონიდან სამი ათასი მოსახლის ევაკუაცია განხორციელდა. ვულკანს თან ერთვოდა ძლიერი, გადაუღებელი წვიმა, რის გამოც რამდენიმე მდინარე ადიდდა და გარკვეული დასახლებების დატბორვა გამოიწვია.

ვულკანის ამოფრქვევა მოულოდნელი იყო ქვეყნის სეისმოლოგიური სამსახურისთვის და შესაბამისად, შესაძლო სტიქიური უბედურების შესახებ მოსახლეობა ინფორმაციას არ ფლობდა.

ვულკანი ფუეგო გვატემალის დასავლეთ ნაწილში, ქვეყნის დედაქალაქიდან 40 კილომეტრის მოშორებით მდებარეობს. ჯამში, ბუნებრივმა კატასტროფამ 1,7 მილიონი ადამიანი დააზარალა. ქვეყანაში გლოვა გამოცხადდა.

ავტორი: ,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე