"თეთრი ხმაურის მოძრაობის" ლიდერი ბექა წიქარიშვილი შინაგან საქმეთა სამინისტროში დღეს გამართული შეხვედრით კმაყოფილი არ არის.

როგორც წიქარიშვილმა ჟურნალისტებს შეხვედრის შემდეგ განუცხადა, საუბარი 12 მაისს კლუბებში ჩატარებულ სპეცოპერაციას შეეხო.

წიქარიშვილი მის დაკავებასაც გამოეხმაურა და აღნიშნა, რომ სამართალდამცველებმა ის უკანანოდ დააკავეს.

"იყო საუბარი კლუბში სპეცოპერაციის ჩატარების საფუძვლიანობაზე. უფრო მეტი კითხვა მქონდა გარე პერიმეტრზე განხორციელებულ ღონისძიებებთან დაკავშირებით. მეც ვიყავი დაკავებული, თუმცა მიმაჩნია, რომ სრულიად უკანონოდ. ეს ადამიანები არ აღირებენ იმას, რომ იქ კლუბებში რამე დაარღვიეს. ეს ბოდიში მხოლოდ ჰიპოტეტურია, მხოლოდ იმ შემთხვევაში თუ კი ჩვენ დავუმტკიცებთ, რომ მათ ჩაიდინეს დარღვევები. კლუბებში სპეცრაზმის შეყვანის აუცილებლობა არ არსებობდა, თუმცა შსს განსხვავებულად თვლის. ველოდები ნარკოპოლიტიკის საკითხზე შეხვედრას - ჩემთვის ეს პრინციპული საკითხია. დღევანდელი შეხვედრით კმაყოფილი არ ვარ. ჩვენ მოვითხოვეთ ჯანდაცვის მინისტრის ჩართვა ამ საკითხში ", - განაცხადა ბექა წიქარიშვილმა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს