მე გამოვხატავ პატივისცემას ყველა იმ ახალგაზრდის მიმართ რომელიც დგას დღეს რუსთაველზე თავისუფლების დაცვის იდეით- ამის შესახებ პარლამენტის თავჯდომარემ ირაკლი კობახიძემ, ტელეკომპანია „იმედის“ ეთერში განაცხადა. 

მისი თქმით, გუშინ კონკრეტული ღონისძიებების ჩატარება საჭირო იყო და ჩატარებული სპეცოპერაცია  მიზნად ისახავდა ნარკორეალიზატორების დაკავებას. 

„რაც შეეხება მოვლენებს რომელებიც განვითარდა გუშინ და დღეს, პირველ რიგში ვიტყვი იმას, რომ სახელმწიფო სამართალდამცავ ორგანოებს აქვთ ფუნქცია მინიჭებული და ამ ფუნქციიდან გამომდინარე არის საჭირო კონკრეტული ღონისძიებების მიღება და გუშინ საჭირო იყო კონკრეტული ღონისძიების განხორციელება, რომელიც მიზნად ისახავდა ნარკორეალიზატორების დაკავებას. ეს არის ჩვეულებრივი, მიღებული პრაქტიკა, საერთაშორისო პრაქტიკა,“- განაცხადა კობახიძემ.

პარლამენტის თავჯდომარის თქმით,  სპეცრაზმის შესვლის მიზანი იყო ლეგიტიმური და ინფორმაციის მიხედვით ჩარევა იყო პროპორციული.

„როდესაც არის კონკრეტული, ოპერატიული ინფორმაცია, რომ შესაძლოა სიცოცხლისთვის საშიში ნარკოტიკი გავრცელდეს კონკრეტულ კლუბსა თუ დაწესებულებაში, ამ შემთხვევაში, შესაძლებელია განხორციელდეს საპოლიციო ღონისძიება.  იყო თუ არა პროპორციული ჩარევა ეს დამატებით შესწავლას საჭიროებს. მიზანი შესვლის იყო ლეგიტიმური და ინფორმაციის მიხედვით ჩარევა იყო პროპორციული", - დასძინა კობახიძემ. 

ცნობისთვის, პარლამენტის შენობასთან ღამის კლუბებში ჩატარებულ სპეცოპერაციას ათასობით ადამიანი აპროტესტებს.

მათი მთავარი მოთხოვნებია:  დაუყოვნებლივ დატოვოს თანამდებობა პრემიერმა გიორგი კვირიკაშვილმა; უპირობოდ გადადგეს საკუთარ ხალხზე მოძალადე შს მინისტრი გიორგი გახარია; დაისაჯოს 12 მაისის შავი პარასკევის ძალადობრივ ოპერაციაზე პასუხისმგებელი ყველა პირი; მმართველ ძალაში ხალხის მხარეს მყოფი პოლიტიკოსები გაემიჯნონ ხელისუფლების მიერ არჩეულ ძალადობრივ კურსს.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს