ხორავას ქუჩაზე მომხდარ მკვლელობის საქმის ბრიტანელი ექსპერტები თბილისში იმყოფებიან

2018-04-27 15:24:27, 1842 ნახვა

სამართალი

ხორავას ქუჩაზე მომხდარ მკვლელობაში ბრალდებულის ადვოკატების მოწვევით, თბილისში დიდი ბრიტანეთის წამყვანი ექსპერტ-კრიმინალისტები ჯეისონ პეინი-ჯეიმსი და სიუ კარმი იმყოფებიან.

როგორც ჯეიმსმა ჟურნალისტებს განუცხადა, მათ ნივთმტკიცებები ამ დრომდე არ მიუღიათ.

"ჩამოვედით ბრიტანეთიდან დაცვის მხარის მოთხოვნით. ჩვენი სურვილია კვლევა წარიმართოს გამჭვირვალედ და ობიექტურად. სამწუხაროა, რომ ჩვენ ამ დრომდე არ მოგვეცა საშუალება ნივთმტკიცებები გვენახა, თუმცა იმედი გვაქვს, რომ დროულად მოხერხდება მტკიცებულებების გადმოცემა. ორიენტირებულები ვართ, რომ დაიდოს მაქსიმალურად ობიექტური დასკვნა", - განაცხადა მან.

კიდევ ერთი ექსპერტის თქმით, საუბარი შედეგებზე ჯერჯერობით ნაადრევია.

"უნდა განვიხილოთ მასალები. ჯერ არის საქმის გაცნობის ეტაპი. მივიღეთ ინფორმაცია და გავაგრძელებთ მუშაობას", - დასძინა სიუ კარმიმ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები