საპარლამენტო უმრავლესობის წევრი გედევან ფოფხაძე მისი თანაგუნდელების დავით ჭიჭინაძისა და გია ვოლსკის შესაძლო კონფლიქტზე საუბრობს.

ფოფხაძის შეფასებით, როცა ჭიჭინაძემ გია ვოლსკი „მაუგლის“ პერსონაჟს შეადარა, ეს უბრალოდ ხუმრობა იყო.

„ხუმრობაა - გია არის ჩემთვის ძალიან საპატივსაცემო და საყვარელი ადამიანი. ამ ხუმრობაში მისთვის შეურაცხმყოფელს ვერაფერს ვხედავ. აკილა არის ძალიან კარგი პერსონაჟი და ვინმე თუ შემადარებს არ მეწყინება", - განაცხადა ფოფხაძემ.

დეპუტატმა ასევე უმრავლესობის შეხვედრაზეც ისაუბრა და აღნიშნა, რომ მმართველი გუნდის წევრი ერთმანეთს დროულად უნდა შეხვდნენ.

ცნობისთვის, საპარლამენტო უმრავლესობის დეპუტატმა დავით ჭიჭინაძემ თანაგუნდელი გია ვოლსკი გააკრიტიკა. ჭიჭინაძემ პარლამენტის ვიცე-სპიკერი არაკორექტულობაში დაადანაშაულა. დეპუტატის თქმით, ვოლსკიმ მისი და ზარდიაშვილის დაპირისპირება ზოგადი კომენტარით შეაფასა.

"კიპლინგის მაუგლი ალბათ ყველას გაქვთ ნანახი, იქ არის მგელი და როდესაც ნანადირევს ვერ დაიჭერს მერე კრებას ატარებენ და იძახიან, რომ აკილამ ააცილაო, ანუ აკილამ ვერ დაიჭირაო. ეტყობა გია (ვოლსკი) დაგვიბერდა და ვერანაირად ვერ გრძნობს, რა არის კორექტული და რა არა", - განაცხადა ჭიჭინაძემ. 

ავტორი: ,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს