სომხეთის პარლამენტმა ქვეყნის პრემიერ-მინისტრად სერჟ სარგსიანი აირჩია, - ამის შესახებ საკანონმდებლო ორგანოს თავმჯდომარემ არა ბაბლოიანმა განაცხადა.

"სარგსიანის კანდიდატურას მხარი პარლამენტის 77-მა დეპუტატმა დაუჭირა, ხოლო 17 კანონმდებელი წინააღმდეგი იყო", - განაცხადა ბაბლოიანმა.

"რია ნოვოსტის" ცნობით, არჩევის შემდეგ სომხეთის ახალმა პრემიერ-მინისტრმა მის სამომავლო გეგმებზე ისაუბრა. მან აღნიშნა, რომ მთავარი პრიორიტეტები ქვეყნის უსაფრთხოება, თავდაცვის გაძლიერება და ყარაბაღის კონფლიქტის დარეგულირებაა.

აღსანიშნავია, რომ პრეზიდენტობის ვადის ამოწურვამდე სერჟ სარგსიანმა კონსტიტუციის ახალი რედაქცია დაამტკიცა, რომლის თანახმადაც ძალაუფლება ქვეყანაში პარლამენტის და მთავრობის ხელში გადავიდა. რაც შეეხება პრეზიდენტის ინსტიტუტს, ის მხოლოდ წარმომადგენლობით ფუნქციას შეასრულებს. სომხეთის ახალ პრეზიდენტად არმენ სარქისიანი დანიშნეს.

ცნობისთვის, სერჟ სარგსიანის პრემიერად დანიშვნას მოსახლეობა აპროტესტებს. ერევანში ბოლო რამდენიმე დღის განმავლობაში საპროტესტო აქციები მიმდინარეობს. აქციის მონაწილეებმა სახელმწიფო უწყებების ბლოკადა განახორციელეს. ამასთან, მიტინგის დროს 46 ადამიანი დაშავდა, მათ შორის 6 პოლიციელი. ფიზიკური დაპირისპირების დროს სამართალდამცველებმა 29 პირი დააკავეს. პარალელურად ოპოზიციონერმა დეპუტატმა და აქციის ერთ-ერთმა ორგანიზატორმა  ნიკოლ ფაშინიანმა ქვეყანაში „ხავერდოვანი რევოლუციის“ დაწყების შესახებ განაცხადა.

ავტორი: ,

სოციალური ქსელები

პავლოგრადზე რუსული თავდასხმის შედეგად 8 წლის გოგონა დაიღუპა

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.