ერევანში საპროტესტო აქციის დროს სამართალდამცველებსა და დემონსტრანტებს შორის შეტაკებისას, სულ მცირე 46 ადამიანი დაშავდა, - ამის შესახებ "რია ნოვოსტი" იუწყება.

მედია საშუალების ინფორმაციით, დაშავებულები ადგილობრივ საავადმყოფოში გადაიყვანეს. მათი ნაწილი უკვე გაეწერა.

დაშავებულებს შორის 6 სამართალდამცველია. სომხეთის ჯანდაცვის სამინისტროში აცხადებენ, რომ მოქალაქეებს ძირითადად ქვედა კიდურები აქვთ დაზიანებული, ხოლო პოლიციელებს დაზიანებები ბასრი საგნებით აქვთ მიყენებული.

"ერთ-ერთ პოლიციელს ოპერაცია უტარდება", - დასძინეს უწყებაში.

 შეგახსენებთ,  რომ 31 მარტიდან პარტია „სამოქალაქო თანხმობა“ სომხეთის ქალაქებში მსვლელობებს მართავდა, რაც 13 აპრილს ერევანში გამართული მიტინგით და საფრანგეთის მოედანზე მჯდომარე აქციით დასრულდა. 14 აპრილს აქციის მონაწილეები სომხეთის საზოგადოებრივი რადიოს შენობაში შეიჭრნენ და ეთერი მოითხოვეს. ოპოზიცია გრძელვადიან აქციებსა და გაფიცვებს აანონსებს. მათი თქმით, აქციების მიზანია 17 აპრილს სომხეთის პარლამენტის შენობის ბლოკირება და პრემიერ-მინისტრის არჩევნების ჩაშლა. 

ავტორი: ,

სოციალური ქსელები

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი

ვოლსკი ღარიბაშვილის განცხადებას უბადრუკ წერილს უწოდებს

19-21 აგვისტოს საქართველოში, სითბოს ფონზე მოსალოდნელია ხანმოკლე წვიმა

JPG X Dodonut ერთმანეთის მხარდასაჭერად | მცირე ბიზნესის ჯაჭვი